未開始準備pw之前，完全不理解為何新人總會影好多輯pw，影完都只係放一晚，又要花錢又要花時間。諗住自己都係一次起兩次止，結果，我都影咗3輯！慢慢寫返分享。
因為為買婚戒突然變成最先完成的項目，所以有一張免費試影pw 的coupon。本來都打算自己搵啲平價/free 的影一輯當練習，既然送上門無理由唔影。
事實上大家都知理想同現實有距離的，所謂免費，當然附帶好多限制同隱藏收費。所以我有不斷事前research 有咩防sell 絕招。網上大部分的分享都是圍繞法記和希女的。不過銷售手法大同小異啦！
預約部分
影相當然要預約啦！Coupon 有兩個月期限，打電話約時間已經約到差不多最後一星期。職員響電話講返當日大約流程。雖然話影3個鐘，但係加埋化妝揀衫其實都要一整日。呢樣好重要，因為free coupon只可以影平日，要請足一日假，唔好諗住3個鐘就請半日假。
Coupon 係有使用限期的，大家越早約越好
Free coupon 有期限又要限住影平日早段時間，而且期一般好爆，多過你就佢個期。如果難請假的話要認真考慮。
換coupon
話說約好日期之後某一日收到電話話要拎返戒指收據和coupon 上去換返張正式收據先影得。明顯係齋上去俾佢sell，好彩呢樣唔需要平日5點前，北角對我來說又不算太遠，否則都會有啲煩。去到有咩sell 我哋呢？都係upgrade package: 一個係包假眼睫毛，粉撲，新郎化妝，同多啲衫揀嘅。一個就包埋印相簿，油畫等等。但係我哋以練習為目標，乜都唔打算加，最重要係佢哋嘅相sample 未有打動到我。第一回合，成功撤退。
免費試影當然預咗會俾人sell 只要唔太難甩身我都覺得可以。
不過如果我再去，我會趁呢個機會逐個item 問清楚價錢。例如，買返未執嘅soft copy 幾錢，執咗又幾錢，係咪可以逐張買，如果唔用佢啲相大細，唔裁相咁曬出黎又要幾錢。
影相當天
人算不如天算，因為早一日去水塘BBQ 之後出曬紅疹，都好嚴重，明明無食奇怪食物，又無被蟲咬。總之，影相唔執應該一張都用唔到。Free coupon 當然無得改日子，唯有照影。
話說職員影相前一日wa我話要提前半個鐘(同埋新schedule係預少半個鐘同我化妝)。呢樣嘢係有少少扣分，我去影相就被人提醒左幾次日期時間不得更改。公司就自己reschedule 就其他客影相。
按coupon 計，應該有3小時的攝影時間。相信當日未夠鐘就完成了，不過不太介意嘅，影得耐又不等於影得好。
揀衫
衫的部分好多comment都話比較失望。我認同。先電腦睇相，揀咗佢再拎裙俾我試。款唔太吸引，free coupon有10款裙揀，包括婚紗/晚裝。我都只係揀到兩條試，因為唔想pin 針好快就揀咗背心裙。裙係真係殘殘地，有走線同白紗變灰，但係影相真心唔覺。
極速揀同試好裙所以偷咗少少時間去食個早餐先返去化妝。
至於男裝，就只係得黑西裝同白西裝。男士可以在影相前先出現就得。
化妝
頭飾，頸鍊都唔吸引，自己帶會好啲，set 曲髮放一邊同姊妹頭差唔多。Free coupon 一早講咗要自己準備粉撲眼睫毛。好似我咁平日唔多化妝根本唔知邊款啱自己。而我嚴重大細眼加單眼皮都只能有限度糾正。今次貼到雙眼皮貼已經好好。結婚試妝先知自己對眼係咁難化。化妝姐姐主動幫我影相，呢樣幾開心。
影相
影相嘅過程係開心。我本身都係高妹，一黎就被攝影師叫我換返波鞋影，高踭鞋太高，等我仲特登買咗對閃閃鞋。無複雜的pose因為我哋兩條友一黎就話攰。動作都仲教得到，表情真係好難，本身太硬，好難自然笑。勁俾攝影師阿飛話要女仔啲。佈景一般啦，唔係好多好靚，不過小小地方，影到咁多唔同嘅景好犀利。諗住練習，乜道具都無準備。簡單嘅頭紗花球佢都有嘅。
揀相
睇相又要平日，仲要5點前，蝕多一日假。當然揀相佢又會循例sell下你upgrade。無論你講影左pw未，會唔會再影，影室內室外一或海外，佢都係會照sell，所以你自己決定就得。
揀相佢會俾你自己響電腦睇相揀相，唔會有職員響度霸住隻mouse。呢樣加分!
執左嘅相有大約百幾張，比例10選1，始終第一次影，效果一般，呢個絕對唔係攝影師問題。強烈建議平日無乜影相嘅人試影練習下先! 因為咁，我哋揀相無難度。
到加錢部分，本來我打算一蚊都唔俾。不過講過，啲相唔執完全用唔到，因為1.我皮膚敏感 2. 佢有啲景嘅顏色對比好嚴重 3. 接受唔到上鏡咁肥 4. 男友無化妝唔執上鏡啲皮膚會好差
所以俾左千幾蚊執相，其他加錢項目就唔搞勒。
所以俾左千幾蚊執相，其他加錢項目就唔搞勒。
拎相
好彩拎相無咩限制，佢地辦公時間上去拎就得。日子上都達標的，無話拖好耐都唔交相（其實揀相個檔案都執好相，齋印相等太耐根本就唔合理）。而今次上去就無再俾人Sell 喇，仲有咩貼士？數齊相先走，同埋油畫Size相就咁一卷拎走好易會有摺痕( 我張相已經有摺痕)，最好自備畫筒／托版拎走。
報告完畢。
好彩拎相無咩限制，佢地辦公時間上去拎就得。日子上都達標的，無話拖好耐都唔交相（其實揀相個檔案都執好相，齋印相等太耐根本就唔合理）。而今次上去就無再俾人Sell 喇，仲有咩貼士？數齊相先走，同埋油畫Size相就咁一卷拎走好易會有摺痕( 我張相已經有摺痕)，最好自備畫筒／托版拎走。
報告完畢。
