顯示具有 淘寶 標籤的文章。 顯示所有文章
顯示具有 淘寶 標籤的文章。 顯示所有文章

2018年4月1日 星期日

水水聯婚 123文字錄：炒埋一碟vendor review I - Prewedding

想寫Vendor review，但係唔知點落手，同埋原來我好少影相，所以唔逐樣寫，一次過Comment曬。寫落先發現原來張vendor list 都好長，big day items 留返下篇。真心Review 所以無大推Vendor 亦都無黑店要投訴，好同唔好都寫齊。Vendor 已經加咗link，唔使pm，直接click 就得。

Prewedding
婚紗相@香港: White Production (Photog: Barry+Wing, MUA: June) - 全日Package: 山頂+馬灣
好：靚！！！老公都仲好，我完全係影相白痴＆勁唔合作，Barry同Wing 都影到靚相真係好得。June 化妝靚，Set 頭更靚，睇到佢Set頭Set得咁靚令我無再諗就決定Join佢地。（可惜Big day book 唔返佢化妝）之後我Share PW相出黎，D人話直情似廣告相。
好：天氣唔好就改期，會幫你改到好天氣先影相
好：衫、交通、Accessory 包齊，連入馬灣都唔使自己俾錢另外租Van。自備物品主要係內衣、便服、鞋和道具。開會時有一張詳細的清單提醒你有咩要自備，唔怕臨時俾錢。
好：Bonnie 同 Rainbow 好幫手，揀衫／揀景點／rundown 等等都俾好多意見我地（好緊要！我係選擇困難）
好：先在公司影，等於多咗個Studio景
好：有兩部機一齊影，PW相都有Standard+Snapshot，連Mua都會幫手做埋assistant 拎下道具
好：話說當日勁Overrun，好彩都幫我地趕到入馬灣影日落
好：June 好細心，知道要黃昏去馬灣影相拎定防蚊膏俾我，超Work，我勁惹蚊都安全度過
好：相簿做水晶面唔使加錢，油畫框亦都任揀唔使加錢
壞：相片唔係全包。Package 只係包有限相片數目（多過一本相簿些少），咁就無可避免要經歷揀相加相的問題。最後埋單有機會變到好貴。(參考Prewedding 揀相貼士　 上篇　 中篇　 下篇）
壞：始終一條龍公司要「保障公司利益」會比較多限制
壞：比較早要找全數（開會傾Rundown已經要full pay。問過其他好多都當日先俾）
壞：約時間上公司開會試衫等等要避開婚展，因為要分撥人手去婚展。（所以有興趣記得去睇下有咩婚展優惠）大家都知差唔多每個月都有，所以都會有少少唔方便，尤其是對於時間比較緊迫／比較忙碌的新人
壞：調色tune 到好白好Sharp。其實唔係缺點，睇下大家鐘唔鐘呢種風格。唔鐘意就會嫌執相執得勁，覺得唔自然，但係鐘唔鐘意都好，一定認得出係White的PW相
壞：呢個都算唔上係缺點的，不過好多PW攝影師影完相無幾耐都會Send住小部分的花絮相俾客。White都有，但係要等Tune好色，上去公司揀完相先會收到。（影相當日無手機，自己真係一張相都無！）
婚紗相@杜拜: MFPhoto (Marina Fateeva) 
好：價錢平（到最後變左免費！）
好：攝影師Marina 好好人（可以睇返Blog，因為天氣唔好，佢唔想我地失望同Ｏ徒錢就免費幫我地影左幾張留念）
好：好快回相，影完3日就有，我剛剛回到香港第二朝就收到相啦！
壞：唔係太靚（都唔可以怪攝影師，係多重原因：天氣唔好，自己化妝技巧差，快閃影相無時間執姿勢表情，自己無咩影相經驗，外國唔傾向執相執咁勁）
好：價錢平，起貨快（淘寶執相真係一試愛上，搵返攝影師執一張閒閒地收過百蚊，淘寶幾蚊有交易。我最後係執左15張，5蚊人仔一張。仲要超快手，PW公司快極都幾個月，淘寶通常幾日就起到貨）
好：可以隨意要求修圖項目同無限翻執（PW公司好多時背景雜物，路人甲等等唔會肯執，太花時間。淘寶就執咩都得，當然有時執唔到佢會同你講返。同埋執完一次唔理想可以叫佢再執，執到滿意為止。不過有時都會執極都唔係自己想要。）
壞：付款困難（因為唔係實體貨，唔可以用香港支付寶／八達通／信用卡，都幾麻煩。不過店主都好幫手，不停幫我試唔同的方法，最後係用微訊支付先成功俾錢）
壞：無私穩性（因為你會將相片俾曬佢，佢點用你係唔會知道。有人話過相片俾店主自行放左出黎做Sample。）
壞：質素參差，花時間耐性溝通（淘寶質素參差真係常識，所以一定要試執，但係大部分舖都無免費試執。整體黎講，其實都執得比較求其。後尾對返我俾佢的Task list，有少少items 漏，不過當時無逐一對所以已經收曬相。有要求的話，可能唔收貨或者要來來回回好多次先執到滿意。另外就係要俾足指示點執。）
Photo hunt，搵唔搵到前後分別？


相簿印刷: Photobook Hong Kong
好：經常有免費活動
好：自助排版，全部網上處理即可
好：出貨快
壞：質素差（我Upload的檔案一定夠大，但係唔知係咪個app 自動壓縮咗，印出黎好矇，起曬點）
壞：免費相簿只限photobook app
壞：排版格式限制，只可以1版1張相
壞：免費coupon 要即時使用
注：可以買網頁版 Groupon ($8 左右) 而唔係app版，就算同樣做最基本細相簿，網頁都有多款排版格式同埋coupon code 應該唔需要即刻用。
婚紗相@香港: Joseph photo (3小時室內試影)
詳情參考 Prewedding 試影練習篇 
PW道具/飾物: 姓名木牌，字母拉花：淘寶
姓名木牌：尋雲家飾 - 定制日期字母名字牌
好：大量Sample，即使無自己圖稿都可以。基本上乜款都做到。
壞：貴（夾夾埋埋都差唔多$200，可能我預計Budget太低）
壞：修改圖稿需時，加上需要修改好幾次，都要差唔多兩星期先到手
拉花汽球：新ｅ派
好：價錢平
壞：汽球無充氣飲管，同埋只適合貼在牆上。紙質係過膠的牛皮紙，不太耐用，但用一日可以接受。
夾耳環: 欧雅琪饰品美丽基地 (韓國貓眼花朵珍珠螺絲耳夾耳釘0244)
好：價錢平，質素又好，珍珠有光澤，完全唔似淘寶貨
夾耳環: 欧雅琪饰品美丽基地 (五瓣水晶花螺絲耳夾耳釘0148)
好：一樣價錢平，質素好

其實仲準備了唔少道具，不過偏細件，當日好多都無用到
今次寫到呢度，下次再繼續Big day 的List。復活節快樂！



張貼者： 於 沒有留言:
標籤： , , , , , , , ,

2017年6月7日 星期三

水水聯婚 --- 123文字錄 漫長的淘寶尋帖之旅[超多圖]

早前要淘PW 道具，便順手淘了一些請帖Sample，豈料就開展了漫長的淘Sample 之旅。
首先選了兩家有囍帖體驗套裝的店。

1. 喜店
約19元免運費，店家指定8款，連信封貼紙。Sample 有打印好內頁。
體驗套裝價錢不算便宜，勝在免運費。這家店有很多我喜愛的通花款帖，不過質素不太好：把內頁放入通花封套外殼時多給貼口位頂住不能完全套入。通花外殼和內頁底花亦有套唔正的情況。另外，紙質偏薄，畫紙之類質地。不過通花切得細同靚！
訂製內頁50份起，彩色黑白均可。喜帖價格已包信封貼紙。
2. 囍店
體驗套裝8元免運費，包長及方信封各一個及貼紙。Sample 有打印好內頁。
超滿意這家的紙質，不似一般淘寶帖咁單薄，連信封的質地都比較厚實。如果比較喜歡型格簡約路線超推薦這家，簡單燙金（差不多每款都可以選金紅藍3色）囍字封面為主。傳統得黎又唔太娘。內頁是有圖案花紋的設計，我們不太想。信封本身印有囍字，要寫上賓客名稱可能唔係咁方便。配件質地（絲帶流蘇）也很好，不過流蘇要自己穿上不太方便。這家的帖款多是正方或長條形，另外直長條形的帖依然會配橫款的信封。最後，竟然在樣本內頁發現錯別字！大家對稿真係要睇清楚！
內頁可訂製繁體，單色／彩色，加入照片，地圖等。喜帖價錢已包信封貼紙。
3. 時店
10元8款包郵樣本。包信封。
這家樣本是借朋友的。整體質素比較好，雖然紙質仍不及上一家店厚實。這家有很多Lace 通花款，主要是紅色和白色。缺點嘛，價錢貴！
訂製繁體內頁30份起，如加地圖則50份起。內頁顏色可選棕色或黑色。喜帖價格已包信封。
4. 散買款式
下面這幾張都是看了款式很吸引買的，不過因為各種原因沒有選上，但是都係我的Shortlist 心水之選。
鐘意呢張簡單得黎又有我鐘意的通花同襯返我地字牌的馬車，但收到實物就第一時間Ban 咗。事緣佢係粉卡、粉紙質地，用黎做依家好興外國田園風邀請卡就OK，不太適合做會摺埋的卡。加上通花的切口唔齊就放棄了。
呢張都很不錯，紙質都尚算可以。內頁有不同顏色的卡加燙金文字。
但是有一個致命傷就是字太細，最主要看喜帖的都是長輩，字真的不能太細。另外就是信封是四邊合上扣埋，有點不方便。
5. 心店
付運費$12，任選5款取樣，其後每加一款$1。取樣為現貨，內文為空白／其他客人內容，不保證可發繁體內文樣本。取樣不包括信封，貼紙
說實在這家店質素一般（通花紙口不算利落，附絲帶蝴蝶的款式會見到膠水），但我最後選了這家，只因為它是燙金印製。雖然客服說不能保證發港版樣本，但最終都有。樣本包內多於5張卡，同款的會多發了幾張不同色參考。不同顏色的紙質會有少許不同。但是，有一款我選取的卡沒有收到而另外補上了幾款沒有選取的。這家店的款式都是大路款，平常酒樓送的帖款都會找到。

最後 3 強！其實心儀左邊的蝴蝶款，因為好靚，但考慮到收帖的人要打開用蝴蝶扣住的帖唔方便就選回右邊的款式了。如果選蝴蝶款，下面單隻蝴蝶就好了，兩隻真係入帖又煩，睇帖又煩。
繁體屬訂製款，每套要另收附加費。卡，信封分開購買。購買少於100張，收取$70。預設燙金印製，印紙內頁另收費。
注意事項及貼士：
1. 我對紙材認識不深，總覺得淘寶帖的紙很薄，軟軟皺皺的。而且落差有點大，真係要看咗版，覺得可以接受才落單。
2. 即使樣本理想，當正式大批次訂貨時，品質會有參差。例如同一批帖但內頁的紙張顏色有色差。
3. 錯別字出現機會很大，要金睛火眼望清楚。
4. 其實有一些香港印帖的舖頭都係用淘寶帖，唔想要自已淘一堆蝕運費，係可以去舖頭睇咗實物，再上淘寶買，咁就平好多。
張貼者： 於 沒有留言:
標籤： , , , , , , ,
訂閱： 文章 (Atom)