2017年8月20日 星期日

水水聯婚--- 超超前完成婚禮 Song list

話說我很早就準備歌單，改完又改，左砌右砌，從來無想到要花這麼多時間。本想全用廣東歌，但是大釘有幾首想播的歌不是廣東歌（歌單 9成都係我決定的，因為大釘好少聽歌），咁就唔刻意只播廣東歌。

我自己係習慣聽廣東歌的，但畢竟廣東歌K歌路線才是主流，有時候會及不上英文歌咁適合婚禮。經典的婚禮歌是安全之選，怕播得太爛又加咗較新的歌（呢樣不得不提最近的霸氣情歌！）。然後，諗到有好多賓客都係親戚，我們眼中舊歌對長輩來說可能都無聽過，又加入一些超舊歌。加加減減之後，炒埋一碟，反而變了古今中外都有的歌單。

早前的婚禮音樂懶人包有提過需要的音樂，今次我就按這張list 寫返我挑選的歌。全部加曬Link ，一Click 就睇到。

證婚 bgm - 17:00-18:00
證婚時段最少有一至兩音樂做背景。除了律師/司儀講嘢，新人讀誓詞，都有一段時間要簽名同影相等等，如果dead air 咗氣氛會怪。交場之後都要播下音樂，因為我的證婚時段比較早，咁索性搵咗一堆純音樂一路播到證婚儀式完先換碟。

明日晴れるかな (求婚大作戰插曲) - 桑田佳祐 (2007, 純音樂)
Can you feel the love tonight (Lion King, 純音樂 Piano Version)
Beautiful in white (Instrumental Version)
A thousands year (Twlight breaking dawn插曲, Piano &Cello Cover)
The Wedding Song - Kenny G
Beauty and the Beast (Instrumental Version)
Color of the wind (Pocahontas 主題曲, 1995, Instrumental Version)
A whole new world (Aladdin, 1992, Instrumental Version)
All Of Me - John Legend (Violin &Guitar Cover)
Rising road (求婚大作戰主題曲, 2007, 純音樂)
Sonna Rele Strong (Cinderella 2015 - Instrumental)
小玩意 - 彭羚(1995, 純音樂) 　歌詞版
最重要的決定 - 范瑋琪(2011, 純音樂) 　歌詞版
準備音樂之前，我會計下大概要幾多首歌先可以唔loop都夠播。迎賓時段最長，大概要20-30首，我將Song list 入面的經典情歌編咗響呢部分。

Just the way you are - Bruno Mars (2010, 英) 
Nothing gonna change my love for you - Westlife (1984/2006, 英)  Westlife 有超多歌都好適合婚禮播，呢首係其中之一
讓我照顧你 - 五月天 (2004, 國) 　演唱會好少唱但係我心入面一早已經Mark 實一定要響自已婚禮播
黑白配 - 范瑋琪 (2011, 國)　黑白配可謂范范同黑人的主題曲，我覺得都啱我地兩個，所以好鐘意呢首歌，都係必揀
幸福摩天輪 - 郭偉亮 & 葉佩雯合唱版(1999/2004, 粵) 　又一首經典歌，揀咗合唱版，希望無咁悶
Christmas is all around - Billy Mack (Love Actually 插曲, 2003, 英)
愛在旁若無人的太空 - 楊千嬅 (2015, 粵)　算係比較新的歌，如果有個好D 的Cover Version 我會換咗佢，因為千嬅的演繹未係發揮得最好
幸福車站 - 官恩娜 (2014, 粵) 

成長片段
本來揀選純音樂版，但係photog 話會好悶，所以轉返人聲版。呢首歌都算長（足足5分鐘！)，好在我們的成長片段都幾多相，唔使cut 歌或者特別播慢啲相。


進場
March in 歌是令我非常苦惱的一個項目！最初最初想用夢中的婚禮，誰知中途殺出一首全部都係雞，真係好洗曬腦，徹底放棄咗。打算用返播到爛的Canon in D major，但係佢都有好多版本，搵極都唔啱心水。直到終於搵到 Miranda Wong Wedding Songs Playlist，她彈咗簡短版，用黎 March in 最啱。

致辭
進場後都要講少少野，多謝大家。為方便處理，繼續用Canon in D Major 做bgm，不過會換另一個版本。

Canon in D Major Wedding Entrance
Canon in D by John Pachelbel

上菜
原本已經擬定好上菜的歌，不過最後都係cut咗。

Everything is awesome (Lego Movie 主題曲) - Tegan and Sara feat The Lonely Island(2014, 英) 

晚宴 - 20:30-21:30
呢部分我主要編咗一些和結婚有關的歌曲，開席之後的歌最好避免太嘈吵。

Beautiful in white - Westlife (2010, 英) 
半邊生命 - 梁漢文(2014, 粵) 好感動的一首歌，無論曲詞都好感人
找到你是我最偉大的成功 - 古巨基 (2015, 國) 台灣同內地都係婚禮熱門歌曲，香港好似唔係好流行，唔知係因為國語歌，一或歌名太長大家記唔到。
Eternally Yours (衝上雲霄2英文歌) - Tim Ellis feat. Claire (2013, 英)  聽到首歌已經有好歡樂的感覺，我覺得揀黎做SDE都非常好

SDE
好鐘意的一首歌，睇完Enchanted 就已經被洗腦。而且童話故事好啱一日王子/公主的新人SDE 多數都敬酒前播，係時候搵啲歡樂啲嘅歌叫醒大家準備敬酒。

 敬酒
我覺得超多歌都好適合敬酒，同時都係播到爛的歌！擺酒圍數唔多的我就只係揀左5首。
小婚禮 - 吳建豪 (2013, 國)

其他包括：
經典 - 林海峰
鸞鳳和鳴 - 楊千嬅 本來想睇呢首舊歌，但係搵唔到Source 放棄咗，曾經我好鐘意呢隻歌

送客 - 21:45 - End
時間無多，我無再拆開兩Sets歌，直接轉tone 播輕鬆的歌直到完場。原來呢Part 我揀左好多電影音樂。不過食完飯大家都趕住走，呢Part 的歌可能播唔曬勒

我繞著你你繞著我 (เธอหมุนรอบฉัน ฉันหมุนรอบตัวเอง) (下一站說愛你 插曲) - เฉลียง (2009, 泰)  呢套泰國電影我睇左最少3次！男女主角都好靚，雖然劇本都有D老土，但係搞笑得黎到尾段真係感動到喊架！其實主題曲同片尾曲都咁好聽，不過片尾曲會適合婚宴一D。
Another day of sun (la-la land 原聲) - (2016, 純音樂) Lala land 入面狂loop 的歌，真係要咩版本都有，我覺得好有曲終人散的氣氛
前前前世(你的名字主題曲) - RADWIMPS/ 粉ミルク(2016, 日) 除左Lala land 你的名字都係好hit 的電影，所以我都揀左佢的主題曲，是一首比較熱鬧的歌
陪著你走 - 林憶蓮 (1986/2015, 粵) 拿！我本身就有揀到呢隻歌架！之後先係Signal Wong 唱到大家洗曬腦, 我並唔係因為套劇先揀佢架!
Can i have this dance - (High Sch Musical 3 OST) - Zac Efron & Vanessa Hudgens (2006, 英)  出賣年齡的歌，以前做功課係有狂loop 佢3集的OST黎陪我做功課。
海枯石爛 - Olivia Ong (2011, 國) 


張貼者： 於 沒有留言:
標籤： , , , , , , , , , , , , , ,

2017年7月20日 星期四

水水聯婚 --- 123 文字錄：DIY 剪紙教學篇-電腦白痴都唔怕

之前share 過自己cut 咗個剪紙 Wedding day announcement (可以按呢度望望)，有人問過template file，我都唔好意思講我係用好原始嘅方法去畫稿，所以　無　圖　檔。

雖然無 template file 俾大家，但係我可以貢獻我的做法俾大家參考下。上網隨便搵下就有好多剪紙稿，但係點先可以custom made 呢？如果你本身已經識用少少繪圖軟件，咁恭喜你，你已經屬於進階班，係唔需要睇下面嘅教學，直接跳到文末會有AI的教學文(都好簡單)。

如果唔識用或者無裝呢啲繪圖軟件，唔使怕，我們用原始方法，自己用手畫。

首先要準備：
1. 圖紙： 
　可以係其他剪紙稿，淨係要換返自己嘅資料落去，好似將呢度的"Thank you" 轉返做自己個名。
　
　（原圖按此）
　亦可以收集自己鐘意的圖案，夾埋佢做一幅
　好似都好多人鐘意Beauty and the beast，我選了Beauty and the beast 的玫瑰花做這次的demo。
　
　（原圖按此）
2. 鉛筆+擦膠
3. 牛油紙：文具舖係有得賣嘅，我見仲有焗蛋糕的牛油紙淨返就剪咗啲出黎用
4. 你想放落剪紙的字，你哋個名/big day日子/slogan
　可以在MS Word 寫好，印出黎先。可以先度一度大細係咪Fit，或者印多幾個大細備用。
　Demo 圖稿較細所以我只簡單地加上big day 日子。

準備好？開工喇
Step 0. 
將牛油紙覆蓋在圖紙上，用鉛筆輕力臨摹圖案。原圖不適用的部分可直接略去。
Step 1.
第一種加上文字的方法最簡單，零失敗，就是在圖稿上其中一條線上直接畫上文字，又或者先在空白地方畫上文字，再加線連接其他部分。
1.1. 我選了右下這條線加上2017
1.2. 不過用原圖嘅線會太斜，很難清楚看到2017，我就將線重新畫過
1.3. 可以畫上2017了
Step 2.
除了陽刻，仲有陰刻。前者係cut 走唔要的部分，後者就cut 走要的部分。好似呢張卡，米奇係陽刻，城堡係陰刻。第二種加字的方法就係直接 cut 走啲字。
2.1. 因為我嘅圖紙係陽刻，所以我將其中一片葉全部保留。原圖左邊的葉係有葉脈的，擦走入面線
2.2. 然後把12加上去。之後會 cut 走 12 所以唔需要連住都無問題
Step 3.
跟住可以試下難少少，適合用在較大的字上面，就是在文字中間再加花紋／留空。
3.1.  一樣臨摹咗啲字先
3.2. 加粗同放大令佢貼住其他線，我選擇留空中間
Step 4 完成！
最後就將所有線加返粗，同埋重新檢查一次係咪所有線都黐埋一齊。咁就畫好呢張獨一無二的稿！

粗粗地業餘玩下我覺得咁樣超級簡單方便！

其實仲有比較進階的方法加字，好似呢幅圖咁，將文字舖滿圖案：

仲有無其他嘢分享？
都仲有少少...
1. 直線多的圖當然易過曲線（好似呢個玫瑰花圖就全部係曲線）
2. Cut 走啲字 (陰刻) 當然易過留返 (陽刻)，不過個人覺得前者無咁靚，同埋多數用黎做卡面
3. 邊度可以搵到字體? dafont 有極多
4. 點揀字？我覺得潦草字或有腳字 (e.g. Times New Roman)啱做陽刻多D，而無腳字 (e.g. Arial)就啱做陰刻多D同埋啱Cute D的design。而Cut 的難易度，我覺得潦草字＞有腳字＞無腳字
5. 畫數字要注意的地方? 因為有D 數字係有窿 (e.g. 0, 4)，比較適合做陽刻。如果０字做陰刻就會返得一個圈喇，除非自己加返Ｄ線連住中間。
6. 可以點搵到適合的圖檔? 除咗搵paper cut，仲可以搵剪影同填色稿都好適合做剪紙稿

最後。。。說好的教學文呢？
給Adobe Illustrator 用家：

多謝收看！


張貼者： 於 沒有留言:
標籤： , , , , , ,

2017年6月29日 星期四

水水聯婚 --- Checklist 控系列：出門房Q&A

寫完上次極長篇的揀相 Checklist，原本以為Checklist 控系列要暫告一段落直至完婚，先再有新的Checklist。想不到出門房出咗一張Q&A。

1. 套房價錢? 有無送贈物品?
2. 需唔需要Join指定出門房Package? Package 包括甚麼?
3. 有無 Early bird offer
4. 可否free cancel /改日子?
5. 可以安排出門房site visit? 
因為要無人入住先可以安排睇房，有機會好難夾到時間/好ad hoc。如果覺得睇房重要的話，可以早啲去睇咗先，或者open day 去睇定
6. 套房總面積?
7. 交通方便? 地區方便?
8. 員工態度，熟唔熟手
9. 會唔會可以俾多幾張房卡？
10. 可唔可以安排Early check-in/ Late check out/ 授權其他人代辦?
11. 夜晚/早上上房安排
當日好多親友/Vendor 出入，要唔要事先登記定同Reception 講聲就得？尤其是很多酒店電梯需要入房卡。

睇房/景觀間隔相關
12. 房和廳有門分隔開?
套房都未有門隔開個廳，咁等緊的時候新娘唔通走入衣櫃？
13. 光線充足? 樓底夠高?
要夠光猛! 多數行型格路線嘅酒店會比較黑，有人鐘意，但係我最憎黑色房。同埋偏暗影相無咁好睇。
14. 該房型的樓層? 可否事先要求免費安排高層套房? 
高層多數比較好view 
15. 景觀? 廳有大窗/落地玻璃? 有海景? 會見到簷篷？
Book 酒店好多人都係貪有海景，影相靚。
16. 間隔: 一房一厠? 兩房兩厠? 一房兩厠？有走廊位? 有露台? 廳房厠所空間比例？
如果有多一個客厠會比較好，唔使同新娘／姊妹爭厠所。
走廊位佔用空間令廳細咗，有時仲會隔開咗房同廳。
酒店套房很多時以商務客為主，要留意會唔會有大書枱響廳，多數移唔走。

設備佈置
17. 房內傢俬/盆栽可唔可以事先要求/自行移開/搬走？
有時房雖然大但有太多／太大件的傢俬，唔係咁好用，要問下可唔可以事先移走。不過職員應該唔建議，因為會有印好樣衰。
18. 傢俬擺設的新舊? 整體佈置的氣氛適合?
行型格路線的酒店可能會有特別設計，部分酒店會有主題房。老牌酒店就好多時比較舊。
19. 化妝枱：夠唔夠位/夠唔夠光？
當日早上會好多人一齊化妝，如果唔夠位化妝師會較難處理，最好事前提醒一下。
20. 房內提供熱水煲？還是有廚房水位? 有咩設備?
因為上頭要食湯圓，如果有碗碟、微波爐、電磁爐就最好。附近的有糖水舖可以即刻買當然無問題，否則要自己帶去就有Ｄ麻煩。
接新娘敬茶，需要熱水焗茶同洗杯，有洗手盆較方便。
21. 房間佈置：對聯囍字，可以/唔可以貼的地方？使用工具限制？要收取清潔費？
22. 房間設備：夾萬？全身鏡？蒸氣熨斗？掛衫架？
23. 免費附送：早餐? 幾多個? Room service 定酒店餐廳自助餐?
24. 免費借用：紅色茶具套裝(茶壺茶杯連托盤)：有無提供? 有幾多隻杯？
最好望埋款式係咪OK? 有人就算酒店有都會帶多套，後備同敬茶多幾隻杯準備快D。
25. 免費借用：紅床單被舖、紅棗蓮子 (敬茶用）
如果係晚宴奉送當晚的套房／出門房Package 多數已準備紅被。
26. 免費借用：跪墊 (敬茶用）
27. 其他免費附送禮品，如香檳?囍餅小食?朱古力糖果？果籃？
28. 可以點蠟燭上頭？
酒店有煙霧探測器，有Ｄ可以幫你暫停咗佢，有Ｄ就一定要用電子蠟燭
29. 攤米開遮，可以? 咩位置得? 戶外?大堂?走廊?房?

套房以外
30. 走廊：會唔會較黑/舊？可唔可以影相？
31. 大堂：靚唔靚？可唔可以影相? 大唔大，會唔會好多旅行團響度？
32. 樓梯：有無大樓梯？可唔可以影相？
33. 大門：有無上車位？可唔可以影相？大唔大，靚唔靚？
未必有上車位，可以影相，或者只可以上車，唔可以停低影相。
34. 當日出門多唔多新人？
某Ｄ受歡迎的酒店，旺人係停車場都泊滿，會排隊等出門，時間上要預鬆動Ｄ。
35. 車位：有無免費車位？過夜還是限鐘數？幾多部，只係私家車（花車）還是Van 都可以？收費的話，時／日租價錢？

張貼者： 於 沒有留言:
標籤： , , , , , , , , , ,

2017年6月7日 星期三

水水聯婚 --- 倒數6個月進度表

估唔到咁快就剩低6個月，以為已經confirm大部分的vendor就無咩準備，睇返個list 原來都仲有唔少，同埋有太多濕碎野無放落去。究竟仲有無咩漏？暫時最迫切應該係新郎同四大長老的服飾同埋......我零進度的減肥

1. 晚宴場地 (已落訂，等3m countdown開會)
2. 新娘化妝師 ( 早+晚10h，已試妝落訂，等big day 前確認rundown 造型)
3. Big day (2P1V 早+晚10h，已落訂，等3m countdown開會)
4. 安排證婚律師 (17:30，已落訂，等3m countdown開會交文件)
5. 寫rundown (Drafted，等確認所有人手Vendor再改)
6. 結婚戒指 (已買+取)
7. 出門酒店 (打算同酒店出門，已睇房，等confirm)
8. 設計logo/hashtag/page
9. 租借 big day褂（已落訂）
10. 租借 big day裙 ( 婚紗+敬酒裙已落訂hold裙，等final fit；迎賓裙已買，待改)
11. 訂造+租新郎西裝 (早晚各一套)
12. 準備新娘褂鞋+婚鞋及新郎皮鞋
13. 訂造外父西裝 (已深圳訂造)
14. 訂造老爺西裝
15. 租借/訂造媽咪裙
16. 租借/訂造奶奶裙
17. 訂造細佬西裝
18. 準備父母配飾/鞋
19. 婚紗相 (香港：已影+揀相，等7月中睇排版；海外：已取相，未整相簿)
20. 場地佈置：(已落訂，等3m countdown 開會)
21. 安排父母見面 (完成)
22. 組成兄弟姊妹團 (姊妹OK)
23. Confirm MC人選
24. 花車(酒店附送，未confirm車款)
25. 28座旅遊巴(已落訂，全日8h)
26. Book姊妹及外母奶奶及新郎化妝
27. 準備喜帖 (淘寶，已睇sample選款，待印)
28. SDE (未訂，等開會時決定)
29. 製作成長片段 (big day photog附送，初步揀好相，待交)
30. 即場派相 (booked已付全數)
31. 花車公仔
32. 預備Big day當天的鮮花球及車花及襟花
33. 挑選song list (已訂歌單，待準備好所有歌曲)
34. 買金器 (已買)
35. 準備婚宴回禮 (酒店附送)
36. 準備 guest list (初步準備好，未口頭邀請)
37. 準備 candy corner / photobooth
38. 訂造姊妹裙 (10月前)
39. 訂造兄弟衫 (10月前)
40. 準備過大禮 
41. 買中西餅卡+豬肉券 (已買中西餅乾卡，待買豬肉券)
42. 訂乳豬
43. 租保險箱
44. Book Big day lunch
45. 準備Big day 用品
46. 安排上頭
47. 兄弟姊妹會
48. 買紅白酒，烈酒
49. 準備利是 (已換新鈔)
50. 安排新居及佈置 (睇租盤中)
51. 婚前檢查
52. 婚前輔導
53. 安排Honeymoon
54. 公司請假
張貼者： 於 沒有留言:
標籤： , , , ,

水水聯婚 --- 123文字錄 漫長的淘寶尋帖之旅[超多圖]

早前要淘PW 道具，便順手淘了一些請帖Sample，豈料就開展了漫長的淘Sample 之旅。
首先選了兩家有囍帖體驗套裝的店。

1. 喜店
約19元免運費，店家指定8款，連信封貼紙。Sample 有打印好內頁。
體驗套裝價錢不算便宜，勝在免運費。這家店有很多我喜愛的通花款帖，不過質素不太好：把內頁放入通花封套外殼時多給貼口位頂住不能完全套入。通花外殼和內頁底花亦有套唔正的情況。另外，紙質偏薄，畫紙之類質地。不過通花切得細同靚！
訂製內頁50份起，彩色黑白均可。喜帖價格已包信封貼紙。
2. 囍店
體驗套裝8元免運費，包長及方信封各一個及貼紙。Sample 有打印好內頁。
超滿意這家的紙質，不似一般淘寶帖咁單薄，連信封的質地都比較厚實。如果比較喜歡型格簡約路線超推薦這家，簡單燙金（差不多每款都可以選金紅藍3色）囍字封面為主。傳統得黎又唔太娘。內頁是有圖案花紋的設計，我們不太想。信封本身印有囍字，要寫上賓客名稱可能唔係咁方便。配件質地（絲帶流蘇）也很好，不過流蘇要自己穿上不太方便。這家的帖款多是正方或長條形，另外直長條形的帖依然會配橫款的信封。最後，竟然在樣本內頁發現錯別字！大家對稿真係要睇清楚！
內頁可訂製繁體，單色／彩色，加入照片，地圖等。喜帖價錢已包信封貼紙。
3. 時店
10元8款包郵樣本。包信封。
這家樣本是借朋友的。整體質素比較好，雖然紙質仍不及上一家店厚實。這家有很多Lace 通花款，主要是紅色和白色。缺點嘛，價錢貴！
訂製繁體內頁30份起，如加地圖則50份起。內頁顏色可選棕色或黑色。喜帖價格已包信封。
4. 散買款式
下面這幾張都是看了款式很吸引買的，不過因為各種原因沒有選上，但是都係我的Shortlist 心水之選。
鐘意呢張簡單得黎又有我鐘意的通花同襯返我地字牌的馬車，但收到實物就第一時間Ban 咗。事緣佢係粉卡、粉紙質地，用黎做依家好興外國田園風邀請卡就OK，不太適合做會摺埋的卡。加上通花的切口唔齊就放棄了。
呢張都很不錯，紙質都尚算可以。內頁有不同顏色的卡加燙金文字。
但是有一個致命傷就是字太細，最主要看喜帖的都是長輩，字真的不能太細。另外就是信封是四邊合上扣埋，有點不方便。
5. 心店
付運費$12，任選5款取樣，其後每加一款$1。取樣為現貨，內文為空白／其他客人內容，不保證可發繁體內文樣本。取樣不包括信封，貼紙
說實在這家店質素一般（通花紙口不算利落，附絲帶蝴蝶的款式會見到膠水），但我最後選了這家，只因為它是燙金印製。雖然客服說不能保證發港版樣本，但最終都有。樣本包內多於5張卡，同款的會多發了幾張不同色參考。不同顏色的紙質會有少許不同。但是，有一款我選取的卡沒有收到而另外補上了幾款沒有選取的。這家店的款式都是大路款，平常酒樓送的帖款都會找到。

最後 3 強！其實心儀左邊的蝴蝶款，因為好靚，但考慮到收帖的人要打開用蝴蝶扣住的帖唔方便就選回右邊的款式了。如果選蝴蝶款，下面單隻蝴蝶就好了，兩隻真係入帖又煩，睇帖又煩。
繁體屬訂製款，每套要另收附加費。卡，信封分開購買。購買少於100張，收取$70。預設燙金印製，印紙內頁另收費。
注意事項及貼士：
1. 我對紙材認識不深，總覺得淘寶帖的紙很薄，軟軟皺皺的。而且落差有點大，真係要看咗版，覺得可以接受才落單。
2. 即使樣本理想，當正式大批次訂貨時，品質會有參差。例如同一批帖但內頁的紙張顏色有色差。
3. 錯別字出現機會很大，要金睛火眼望清楚。
4. 其實有一些香港印帖的舖頭都係用淘寶帖，唔想要自已淘一堆蝕運費，係可以去舖頭睇咗實物，再上淘寶買，咁就平好多。
張貼者： 於 沒有留言:
標籤： , , , , , , ,

2017年5月25日 星期四

水水聯婚 --- 選擇困難系列：婚禮 Song list 懶人包

終於Draft 咗個歌單出黎！大大話話mark低 咗300＋首歌，先砌咗依家呢個draft。不過始終未定好Rundown 可能都仲會改，歌單就遲Ｄ先分享。今次就整理左準備時用到的資料。

偷懶新娘點準備歌單？
1. Disney Wedding Collection 大碟不斷 Loop
2. 宮崎駿音樂不斷 Loop
3. LiveBand Vendor 的分享
大推呢個，除了選擇好適合外，仲embed 埋首歌即刻可以聽下啱唔啱 (台灣，很少廣東歌）http://www.luxlive.com/976
呢間都有好詳細的歌單（台灣，很少廣東歌）
http://musedesign98.pixnet.net/blog/post/134358911-2015最新★超實用婚禮歌曲大全★
felicestudio.com 這是香港的，有分類的歌單，但它的blog 寫了4 篇就停了
Disney歌
上菜歌
經典歌
近年新歌 (其實近十年，說不上好新）
4. Esdlife 的100首Song List（按我）
5. 其他新娘的分享
台灣新娘：2016「中、英、日」 婚禮歌曲 婚禮音樂 分享 @迎賓/送客/遊戲
廣東歌list：{脫寶婚享02} 萬眾期待的... 我的不一樣song list★80後好氣氛廣東歌
原來ClubOne 個 Song List 都幾多唔錯的選擇：Mr. & Mrs Tang Vol.2 婚後開心share@Big Day Song List
6. 歌手們的新婚歌曲
風氣有變，如今歌手們結婚都會大方公開，而他們的婚禮更是焦點。其中不少還會特意製作歌曲作紀念。經典中的經典，當然是張學友的你的名字，我的姓氏。以下幾首也是不錯的選擇：
小玩意 - 彭羚
厚臉皮 - Ella
我與你 - 古巨基
找到你是我最大的成功 - 古巨基
囍 - 梁漢文
半邊生命 - 梁漢文
我結婚了 - 鐘嘉欣

準備歌單工具

我參考了簡易版，全部在網頁處理好，不需要裝Tools 又免費：
鄧鄧鄧鄧vol 178-實用文-婚禮歌曲MP3音訊剪輯方法

Step 1. 搵Source
最強大的Source 當然是Youtube，不過都未必齊全，尤其是較冷門、較舊或者特別的版本。我有一兩歌都因為找不到理想的版本而放棄。

最好揀歌詞版，MV版好多時有讀白或者雜聲。如果怕歌詞唔適合，可以揀純音樂版。如果氣氛唔係好適合，可以搵下有無Instrumental Version/ Piano Version/ Acrostic Version。

數下數下，原來要準備的歌都唔少。當然，怕麻煩的話，一碟走天涯，慢慢loop 就得。

製作 Video 的bgm：視乎大家有幾多段片，注意歌曲的長度不要過長，約 3-4分鐘就夠
a. 成長片段
b. SDE
c. Making Of/ Prewedding 花絮

當晚播放的歌曲：
1. 迎賓：多數選擇比較輕快的歌，令現場氣氛熱鬧一些
2. 證婚：柔和浪漫的音樂，講野的時候用黎墊底，同埋簽紙、整文件及合照的時候唔好DA，搵D啱做背景音樂的歌
3. 進場：全場矚目的一刻，多數是浪漫一點的英文慢歌／古典音樂。如果教堂／證婚會March-in 就要準備多兩首。教堂March in 要揀D Grand D 同長少少的音樂。當然有人鐘意Modern D 揀輕快的歌。
4. 致辭：新人／新人父母會上台講幾句，可以按需要加返背景音樂。
5. 上菜：呢Part 應該係香港特色，大家會揀Ｄ戲劇性Ｄ的歌做上乳豬開席的歌
6. 晚宴：成晚流流長 loop 的歌，有人鐘意用曬英文歌，英文歌又真係好容易搵到啱氣氛的歌喎！有人鐘意用曬廣東歌，香港人支持返廣東歌！不過注意唔好揀太嘈吵的歌，賓客會好難傾偈同埋聽成晚會好煩。如果中間有安排到送禮物俾父母呀，玩下小遊戲，又可以準備一Ｄ唔同主題／氣氛的歌配合返
7. 敬酒：呢Part就可以揀Ｄ熱鬧Ｄ的歌，視乎幾擺幾多枱圍，計下要敬幾耐酒。我就預大概4-5首歌
8. 送客：有人會再拆開補影相同送客，我就覺得唔使特登分開。呢個時候都可以揀Ｄ輕鬆Ｄ同歡樂的歌

Step 2. 儲歌仔
可以利用呢個網頁幫手Capture 個file：http://www.youtube-mp3.org/


之前有B2B Share過可以一整List處理的Web，不過我試咗幾次得一次成功：http://youtubeplaylist-mp3.com/

Step 3. Tune 聲
最好Source 全部都係高清靚聲版，不過有時大細聲都好唔一致。咁就要 Tune 返啱，唔通要Keep 住叫音響哥哥當晚幫你較大細聲？

Step 4. Cut 歌/ Fade-in/out
http://mp3cut.net/tw/


仲有... 其他注意事項
1. 檔案名最好轉返做最基本的英文+數字，唔好有中文／符號，免得讀唔到
2. 播歌碟／電腦檔，寫1, 2, 3, 按次序播就最好，寫席前，證婚呢Ｄ到時好大機會唔知要播邊個先啱
3. 如果碟面寫嘢，最好用中文，以防職員未必睇得明你寫的英文
4. 記得問清楚場地歌同片支援的格式
5. 記得問清楚場地歌同片支援輸入的方法，燒碟？USB直播？電腦駁線？
6. 要搵個熟悉當晚歌曲安排嘅兄弟姊妹睇實場地播碟。場地可能有職員會專責音響，但係他們可能其實都唔係好熟Ｄ器材，更加唔熟你幾時要播Ｄ咩，自己搵人跟一跟好Ｄ。
7. 記得問清楚幾時可以去試播

寫住咁多先，之後諗起再補充啦！

張貼者： 於 沒有留言:

水水聯婚 - Prewedding 杜拜篇

話說早在大釘求婚之前，我們已經和朋友們約好在年尾的杜拜之旅 (其實我們還有到阿布扎比) 。既然機票酒店都俾咗錢，大釘就話不如順便影埋相，當海外Pre-wedding。難得大釘提出，小虫就即刻上網做功課，格下價。為免影響行程，我們不會另外安排婚紗化妝，只鎖定當地攝影師。可惜識影相的朋友沒有join這趟旅行，否則連攝影師都不用找，拍膊頭影一下便算。

事前Research

其實單單到杜拜旅遊，已有點兒冷門，何況影prewedding，大家多數都只是在杜拜轉機才順道遊覽一兩天。因而，網上介紹甚少，我很快便Shortlist 了兩位攝影師，並問他們拿Rate card。價錢比想像中便宜，可能因為攝影師單人匹馬，慳返人工。兩位攝影師都好好，雖然只以電郵聯絡，但係回覆很快，亦有詳細回答我的問題。

杜拜影 pre-wedding的人不多，反而較多影engagement photos，但不論哪一種網上的reference 都有限。

後來攝影師講，原來engagement photos 只能找女攝影師拍，而且有人的照片都不能公開，所以多數只係見到啲首飾場地setup之類，好似攝影師blog 呢啲相咁

既然資訊有限，我們就膽粗粗揀咗平啲嘅攝影師幫手。

決定景點


杜拜的婚紗照最多人取景的是沙漠，但路途遙遠，不單要額外加錢，而且花費不少時間在交通上。所以我們直接放棄了。查詢的時候Miracle garden 翻新後重新開放的日期還未公布，我們便選了在沙灘拍帆船酒店和拍杜拜塔。

行前準備

比起搵香港pre-wedding揀選攝影師的時候已經search 定資料，對於這個海外pw我們超hae。決定日期地點攝影師就當安排好，連確實時間也沒有，因為Marina (我們的攝影師) 說要按當天的日出/天氣決定。

不過我們都有少量準備：

1. 衣服
Bf 提議過情侶tee，我就嫌唔襯外國靚景。重點係自己身形唔係typical 嘅香港mini 女仔，坊間啲tee 通常都著得我好樣衰，一係就鬆身似用黎當睡衣嘅camp tee，一係就細件到著起咇曬啲肥膏變肥婆，所以俾我reject咗。

自己無咩fashion sense，所以便服揀恤衫同連身裙襯返色，杜拜呢次一次粉藍，之後香港嗰一次粉紅。

最後買咗呢條通花背心裙，好鐘意通花款呀！這條裙已經在網店售完了！所以放自己嗰條嘅相。

2. 花球
朋友淘寶買多了，我義不容辭接收。因為要hand carry 這個絲花球，過海關的時候被查問。當然，X光機睇唔到啫，一開袋拎實物出黎就知係假貨，可以放行。

3. 字母木牌
唔少朋友都應該有淘寶訂造字母牌，我都唔執輸！淘寶店本身已經有好多Sample。
(圖片取自店家)

一向優柔寡斷的我拖拖拉拉了好一段時間都沒有處理好，差一點便來不及出發前收貨！我低估了起稿修改製造運送來來回回整個過程的時間，最後為了趕及pw而張就比較不理想的設計。

另外，木牌我訂了白色，但婚紗多半也是白色。影香港pw時，因為會同婚紗黐底而出鏡率很低，後悔無訂造其他顏色。

話就話從簡，但衫加埋鞋，加埋小道具同化妝品都唔少。

晴天霹靂

雖然一直以email聯絡但Marina 很responsive所以就算無傾過電話/見過面都好放心。反而到達當地就有少少擔心，因為我send 咗當地聯絡給她一直都沒有回覆。直到在前一日再打電話給她才知道原來她早前不在杜拜，虛驚一場。順道約好拍攝時間和會面地點。

前一日我們自己亦實地考察過，係咪好似畫一樣咁靚呢！
當日早上5時我已起床梳洗化妝，但是當天色漸光的時候就發現唔對路，因為窗外係咁架！
能見度都唔知有無十米，點解一個乾到水都無滴的地方會有霧?! 呢個時候Marina 就聯絡我們話實在太大霧，等啲霧散咗再影。我們唯有一路hae 食早餐一路等(前一日我們仲連釘熱多士揸醬都怕嘥時間，買咗杯麵做早餐)。

一直等到10點多還是煙霧瀰漫，只好改到下午2點，希望大霧會隨太陽高照而散去，亦因此同行的兩個朋友行了個大運，被我們急召回來再轉戰old market。

前往 old market 的路上，霧霞有稍稍退卻。後來我們放棄了杜拜塔的景點，而直接到看到帆船酒店的沙灘拍照。可惜大霧雖散，整個天空還是一片灰濛，只勉強看到帆船輪廓。Marina苦笑，唔建議我們拍pre-wedding，嘥錢。但她好好人，話難得我哋一場黎到又等咗成日，佢唔收錢幫我哋影幾張couple shooting，留個紀念咁。

她仲帶我們去旁邊的朱美拉市集，因為方向不同，算是比較清楚見到帆船酒店。但因為屬於私人地方，嚴禁沒有申請的商業拍攝，我們被實焦先生驅趕左好幾次，想偷影幾張都唔得。

免費成品

就係咁我哋無啦啦有一輯free pre-wedding，都叫做因禍得福丫。天氣嘅嘢真係無得搞，諗住杜拜唔落雨唔使怕天氣唔好點知都係影唔到。Marina 話間唔中杜拜都會有霧不過多數太陽出黎就散，我們響杜拜幾日都好大霧，直到last day 先叫做見返下藍天。大霧真係好愛我們。

Marina 好快send 返相俾我，都有50張架！不過就唔係張張都用得，因為無乜擺pose 唔似香港影相俾咁多指示，我對鐘頭極不敏感，成日變成奇怪角度。同埋外地影相真係唔興道具，有花球都好夠。

怕醜，所以淨係放張背面相算啦。唉…真係好濛查查，我嘅帆船酒店呀！

依家就要諗下可以點用輯相勒。

張貼者： 於 沒有留言:
標籤： , , , , ,

2017年4月23日 星期日

水水聯婚: Checklist 控系列: Pre-wedding 揀相貼士(下篇)

中篇之後好似遺忘咗要埋尾，黎到呢Part 大部分都係其他人講過嘅。

呢啲寫字文，唔知有幾多人睇呢…另外就係呢度隨時打手多過新娘，阻人搵食猶如殺人父母。樣樣都打爛砂盤問又好似未合作就先搞到vendor 有bad feeling，我自己都希望被人信任啦！

但係作為新人可以做嘅真係唔多，無論準備幾多都可能會中伏，實在太多寫唔完、對付唔到嘅中伏位。事前睇過曬package 先揀，百貨應百客，無端端埋單要兩倍甚至三倍嘅價錢，真係好無辜。當然有人話無人迫你加，但係我買Package 唔包被sell架喎，被人hard sell 除咗消費緊我嘅時間簡直仲係精神虐待。

廢話講完，返番黎Checklist 文。未睇上篇同中篇嘅朋友，可以去爬一爬文先。

睇完相，揀好相，先到戲肉，今篇講究竟有咩加錢位。

22. 揀相後加錢位：油畫相框／UV 膜／相簿
以上3種都是耳熟能詳的加錢項目，不逐一寫了

油畫框 Package 包的款唔合意，可以收貨後自己拎出去再造算。留意Package係包油畫Size的相，定真係油畫。如果只係相紙，即係又要準備加框加Coating，我當然選擇自己去配個相框算數。
如果相框一早已經有心水選擇，不妨叫佢寫埋款式落單，免得之後話無貨或者無得揀。

相簿應該包埋加保護膜，如果無寫明，就記得問。保護膜要逐張相，逐版相簿計錢，閒閒地百幾二百一張。印好自己再俾人加保護膜會平好多，最多最多加封面同封面就算。

Join package 之前應該有好多Sample 可以睇，但是要問清楚是否自己package的樣品，例如樣本可能比Package 包的相簿加厚了，例如樣本係韓式相簿，要加錢造，例如樣本有相簿書盒，但Package 唔包

23. 揀相後加錢位：特效相
有時候攝影公司會整D特別效果的相，例如多張相拼貼做一大張，最重要係Package 唔包，盡量唔好揀。

另一樣就係特別位置的相，即係相簿的封面同封底。正常應該包，無就要諗下。封面無新人相當然怪怪地，不過當日都多攤開相簿放，封面無乜機會見人，我覺得唔值得加。

24. 揀相後加錢位：快相
影相盡早影比較好，有時又要天氣好，又要有期，又要減下肥先，就遲左好多。太趕唯有做快相，趕唔切Big day 就無意思。影完相都要Keep 住留意個進度，小心俾人拖相，搞到要被迫轉做快相。

最好Join package 開單的時候寫埋預計要幾時交貨。還有，留意交貨期前內地有否假期，有的話要預留多一點時間。

25. 揀相後加錢位：向裁相說不？
一向對相 Size的觀念都係2R, 3R, 4R 等等，原來Pre-wedding D相不一定。更重要係有時攝影師會影爆，裁相就會有部分Cut 走左，可能無左部分身體，或者成個構圖都爛曬，唔想咁，又要加錢加返大張相。除非張相非留不可，否則唔會加錢加大。

26. 爭取排版
如果你對攝影公司的質素有信心，絕對可以全權交由他們負責。但要留意交 Draft後，可以修改的程度，例如可否另選相片，更改相片的次序，修改次數等等。

當然唔怕麻煩，最好還是可以自己安排，讓他們按你的要求出 Draft。

27. 防 Sell 攻防戰：計清楚價錢
揀相其實都好攰，所以要保持清醒，計清楚Sales offer 的package 係咪真係有著數。

28. 防 Sell 攻防戰：唔好怕黑面，亦唔好怕無面
Sales 可能會動之以情，話唔開單會俾人罵呀，攝影師好俾心機幫你地影同執相，唔買會浪費曬呀，唔好咁輕易俾人氹到！

有咩要求都可以提出，Sales 有時會話為難或者話無人咁做過，個個都會買相加Coating呀，或者話唔會咁淨係做少少，人哋還人哋，你有你的要求係無問題。

今次超長氣揀相 Checklist　終於完成了！下次要返轉頭寫返Pre-wedding 分享。
張貼者： 於 沒有留言:
標籤： , , , , , , , , ,
訂閱： 文章 (Atom)