水水聯婚 --- Checklist 控系列: 尋找MUA + 試妝必問Q&A

很久沒有寫blog了。以下是Checklist 控的我整合尋找mua和試妝必問問題集加上一些小貼士。

尋找mua比我想像中累，也比想像中難。最後confirm的mua也達不到我的100分，但實在有點累，所以還是confirm了。希望不會後悔!

籌備婚禮真是一個認識自己的旅程。原來自己的眼妝是好難化得靚，原來自己鐘意的裙款不適合自己的身形，等等等等…

感性時間完畢，超長checklist 黎喇! 如果大家都覺得有用，可以留個腳印(如果可以留個言就更加窩心!)支持下! Checklist 控系列仲有另外兩篇，大家不妨都參考下。

Shortlist MUA 貼士
1. 先收集資料，然後看mua的portfolio 看看化妝set 頭的風格，之後上網搜尋一下mua的評價，有無特別bad comment。這部分會有點難入手，可以問下身邊已結婚的朋友或者學化妝的朋友推介。
2. 可以shortlist風格不相近的mua。如果試妝後不喜歡的話，可能是這種風格不適合，再不斷試手法相近的mua幫助不大
3. 查詢big day 檔期，價錢，package。同時可以初步參考回覆速度，態度等。比我想像中難搞，有很多心儀的mua已經被人hold咗。

4. 盡量安排相近日期試妝，因為多數hold期hold到試妝當天，如果要回頭confirm返早前的mua，被人book走的機會較小。安排試妝在週末會比較好，雖然只是坐定定給mua化妝，但比想像中累。
5. 由試妝費平的開始試，最貴/最大機會的放在最後，通常即時confirm可以退試妝費，當然將機會成本降到最低
7. 留意MUA 放的相片會唔會只有model /靚女新娘/面型特徵相近
8. 留意MUA 放的相片妝容/髮型變化多唔多

試妝前Q&A
1. 試妝費價錢，是否預先過數可以約試妝還是當天即時付款? 只收現金? 即日confirm 會否全數退回?

2. 試妝試幾多個妝和髮型? 大約需要的時間? 地點?

呢點我係有啲失望，雖然多數話試兩妝兩頭，但係其實個妝係唔會轉，即係試兩頭一妝。求其轉下胭脂唇膏都好丫，收工去飲嘢都會執下個妝啦。可以順便問下佢big day 會唔會幫你落妝再化過晚妝。

3. 可否自己影相? 

最好可以用不同相機不同角度不同光線影。

如果只可以化妝師影咗send返俾你，有機會有排等，同埋得大光燈+非正面相，不能反映妝容的真實情況。亦有機會要confirm 咗先拎得返相。

4. 會唔會用真花試妝? 

真花試妝係會靚啲

5. 試完妝是否需要卸妝才可離開? 

不需要當然最好，順便可以測試妝容持久度。需要的話可先準備簡單化妝品

6. 會否需要要修眉/精華導入

多數會直接剃，以免皮膚變紅。若然不希望mua 剃/拔，可以事先聲明

7. 試妝可否有人陪同? 可以有幾多個?

8. Hold 期 hold 幾耐?

一般會hold期直到試妝當日，之後便開放給其他人預約。當然也有mua沒有hold期，要問清楚

9. 即時confirm 是否要立刻付訂金？幾多？只收現金？

試妝當天/前一天貼士
1. 試妝需時，記得先用餐，去厠所。記得預留多點時間，隨時overrun
2. 淡妝/素顏前往，免除再卸妝的麻煩
3. 最好穿淺色/白色開胸衫(亦有mua studio 本身有婚紗就會叫你換婚紗試，當然個效果會好啲)。帶備外套以防冷氣太凍
4. 如果要即場俾錢(試妝費/訂金)，事先準備現金，免得以後要再去ATM
5. 試完一個妝/頭,，如有不滿記得立刻提出希望如何修改。同時留意mua是否很快就可以處理你提出覺得需要改善的地方
6. 如果只可靠mua影相，記得要求有正面，否則難以判斷兩邊面是否一樣，而Mua多不會影正面，因一般正面不是最美的角度
7. 觀察妝容會否太濃/太淡/大細眼/太老

8. 過鏡淡啲都好，現場最重要，過鏡會淡不是掩飾妝容太濃的藉口
9. 事前準備定想試的妝頭/ 之前自己的妝頭和不滿意的地方給mua參考

10. 如果試妝多過一個mua，可以試不同類型妝/頭。雖然我當時都係俾返一樣嘅ref, 但係咁又會發現同一個ref set 出黎嘅效果都可以好唔同

11. 睇下乾淨整潔程度/快慢/牌子/選擇多唔多/頭飾都係
12. 前一晚/早上洗頭, 但唔好用護髮素/油

13. 啡色頭髮/color con會好啲。如果戴眼鏡記得轉返con! 我試咗3次都唔記得，試妝都睇得唔清楚化成點。

簽約前Q&A

1. 會唔會有Final試妝/Final Fit?
通常無Final試妝, 不過都可以試下安排事先傾rundown同埋夾下D衫, 傾下想點Set頭配咩頭飾/首飾。MUA話好多B2B都會整個LIST出黎, LIST 哂自己有咩頭係鐘意, 有咩頭唔鐘意咁。試妝/傾final fit 的衫，妝，頭big day印埋出黎，以防有咩唔對路都有個ref。

2. 鮮花包唔包? 有無邊度推介? Mua事前去買/拎還是要自己安排?
Big day 鮮花set 頭會靚好多，mua亦好大機會預咗你用鮮花。但係如果要自己準備可能要問清楚要咩品種/款式，畢竟未必識揀，事前買又怕唔識keep。如果訂花球/襟花的花店有提供花尾set頭都可以提出，叫mua用嗰啲花。

3. 當天有無助手跟?

如果有助手幫手夾粟米夾/set頭換衫，會快手好多。不過熟手既MUA當然無助手都好快手。如果當日有助手，留意會唔會齋留低助手補妝/follow，MUA自己走多場。

4. 早上要預幾多時間化妝?
呢個好重要! 因為要預返時間接新娘，確保係吉時出門。新娘應該要早D化完妝,，比攝影師影相，又要同姊妹影，又要同媽咪影，又要影著衫既相，要預好多時間。另外如果包伴娘／姊妹化妝都要問要預留幾耐。

5. 早上幾點到場? 早過幾點要OT Charge? 寫明在單上? 會改嗎? 的士費的安排，劃一定實報實銷晶? 非地鐵沿線要唔要另外收費。如果分開幾段時間，的士錢係咪淨係收早上。如果有助手，附加費係包埋定分開計?

通常附加費會列明在單上，但真係有無寫到然後MUA要加錢，而且好貴，又無得say no。就算寫左，都要問清楚之後加價會否有影響。

仲有的士錢同特別地區收費係點，有D地鐵沿線以外要附加費或包全日的士出入。的士錢由邊度到邊度(佢屋企?)。

自己知自己事，如果當曰要就吉時，超早要出門(天未光就要準備之類)，要預左加鐘錢要雙計。

6. 服務鐘數計法。

Mua出現和離開的時間? 

提早和遲左附加費點計? 

早上vs 中午註冊vs外影vs晚宴每個時段中間Mua會唔會離開? 每個時段的造型包幾多個/有無特別限制? 

每個造型係咪包埋唔同嘅頭飾?

Package一般分一次，兩次(早晚/早午)，晚宴(6小時)，早上(2小時)+全晚(6小時)，全日(15小時)。

除左全日Package，基本上早上mua 化完妝就走架喇，即係唔會有人幫手補妝。而之後都係補妝加轉set頭，除非真係溶得好嚴重，先會卸左再化過，例如超熱去外影，或者新娘爆喊。不過都不妨問下mua有無卸妝的安排。

除左鐘數超過左指定鐘數要俾錢，早左/遲左開始化妝都有機會要收附加費，特別係晚宴時段，所以實際上係16:30-22:30。呢樣都幾唔flexible，不過如果事前有講清楚，都唔可以話有問題嘅。如果淨係寫左鐘數，記得問下係咪可以按自己rundown自由安排。

唔好諗住全日就唔使問佢幾點黎幾點走，因為mua可能預左中間會有休息時間。咁就要問埋係咪佢會自己安排交通。

仲有就係造型嘅限制，見到有啲rate card寫住每個時段有幾多個造型就知又要問清楚。一般都夠，但有啲多左要收附加費。都係同一個原則，收唔緊要，事前講清楚。

7. 當日膳食的安排

最主要都係睇下要唔要包早午晚餐。

8. 包唔包首飾 / 頭飾/ 假髮? 

包幾多?  要唔要俾按金? 

一般送客個set 還唔切, 要問埋幾時要還

9. 是否包新娘尊用假眼睫毛及全新粉撲？

10. 會唔會幫手著衫?

個人覺得係好奇怪嘅問題…mua 係化妝架嘛，唔太expect 佢幫手換衫，除非一條龍，衫都係佢嘅。不過講返轉頭，真係當日搞唔掂，mua都應該會出手幫。

11. 有無得送伴娘、媽咪妝和SET頭？

有的話應該rate card 都會寫。無寫可以問下有無介紹，或者有折扣。

12. 用咩牌子化妝品？

試妝的時候觀察下

13. 如果有多過一個化妝師的公司，要留意指定化妝師要唔要加錢? Big day 係咪一定會係試妝的化妝師

14. 黑雨/8號附加費/安排

有鑑於籌備婚禮的難度，依家多數黑雨T8都會照結。化妝師多數都會照出現，要問下有無附加費，或者計返的士錢等等。如果你到時決定改期，佢接唔接受。

15. 按金同尾數分別幾時俾同點俾?

16. 可唔可以改期/package? 例如半日轉全日