水水聯婚 --- Checklist控系列：擺酒場地＋睇場簽約Q&A 超長文！

身為準新人，必定聽過esdlife 的強大網絡。流傳的checklist無限，小虫按172睇場checklist 再整合出自己的超長氣，零死角，無敵checklist。已經數唔到有幾多條題目，小虫自己都無問足咁多條，不過寫齊有備無患。小虫心儀在酒店舉行傳統中式婚宴，其他形式的b2b 可能要再修改。

http://wow.esdlife.com/space.php?uid=95319&do=blog&id=308460

睇場前功課

1. Shortlist 場地

尖沙咀是我倆理想的地點，因為兩家相隔很遠，想挑選比較中心和交通方便的地點。

2. 瘋狂電郵/電話問日子和min charge

網上資訊發達，價錢場地都可以得知，但最重要有場。如果是年尾旺日，有期的場地其實唔多。若然日子可以彈性安排，記得問埋平日VS五六日的價錢，平日可能平好多。同埋問埋大個一Size的廳的詳情，方便睇場的時間睇埋。

3. Menu

婚宴形式有很多種，中/西，午間/晚上，Set/buffet。我覺得這是最不缺乏的資料，一般查詢場地都會提供，可以初步計下圍數同min charge 係咪符合。如果比較遲訂場，可能會有優惠Menu。

4. Floor plan
問日子的時候多數場地會提供。可以睇下會唔會有枱望唔到台，柱位，出入門口等。記得印埋Floor plan去睇場，一路睇一路Mark 返台/電視位置，March in 路線等等。

5. 約時間睇場
最好係婚宴前，睇到Set左場的環境如何，實際上擠迫的程度。Shortlist左場地不妨提早安排睇場，只有晚上和週末，時間不多。

場地環境

1. 員工服務態度

除了場地硬件，作為軟件的員工服務質素亦非常重要，而且是不同場地其中最大的一個分別。單單我 Shortlist的5間酒店已經有明顯的分別。

由查詢場地直至睇場已經可以觀察到員工回覆速度快慢，有否主動跟進情況，安排會否混亂等等。一間連我big day 日子場地有無期都出現多個版本的酒店實在很難令我有信心。

睇場更加可以直接感受到員工對婚宴流程的熟悉程度，會否提供安排婚宴的意見，整過接待過程是否滿意和令你對場地負責有信心。雖然最終選擇的場地只有一間，但是不同酒店都有做得好的地方，有些Sales會好熱心主動提供不同的場地優惠package，有些Sales在睇場的時候又會分享下其他新人的安排。

臨場表現要靠網上分享或問擺過酒的朋友。

2. 租約幾時會完? 明年(或者再之後)會唔會有裝修安排?

太近約滿有轉場危機，裝修亦一樣。即使宴會廳不在裝修範圍亦會令整體感覺非常差。當然好的 Sales其實應該主動交待這些影響重大的安排。而我book的場地亦真係遇到有裝修安排，所以記得要問。

3. 場地的交通如何

離地鐵站遠近，可到達的交通工具等。比較隔涉的地方可能要安排旅遊巴接送賓客

4. 賓客是否容易找到場地

入口是否有足夠指示牌讓賓客找到場地？是否容易和其他婚宴場地混淆？

5. 場地所在的樓層，同層的設施

有風水考量的話要避開地庫的婚宴場地。在較高樓層景觀較好。同層如果有會所／主要出入口，私隱度便較低。

6. 前往的升降機是否足夠／是否只能單靠升降機前往

開席前和散席可能等lift都有排等,如果有數家酒樓共用升降機的話情況更嚴重。

7. 場地大小是否適合: 　　平方呎/ 　　平方米

 一般比官方提供上限減2-5圍才是合適的圍數, 太迫/太疏落都不理想。

最好睇場前已經有相應圍數floor plan，可以睇到會放幾多行，台的位置等等。約睇場的時候最好是婚宴前，有set左場先可以感受有幾疏/迫。

8. 樓底:   　呎/    　米

樓底高當然比較好。樓底矮除了有壓迫感同無咁Grand，影相會影到天花／地板。但若然場地本身不大，樓底太高會好怪。

9. 場地形狀：

長形（會距離台很遠）／扇形／Ｌ形／方形（除非是擺數十圍的大廳，否則視覺上會顯得更細）？　

有柱？／死角？

10. 場地景觀：有窗／無窗／天窗

有窗比較光猛開揚，但係要留意返望海／望樓／地盤

11. 進場的路線

會否經過所有賓客？會否太短？ 會否每圍枱太近，唔足夠 March-in？ 

12. 賓客廁所位置及數量？衛生環境？要不要和同層其他人共用？

13. 要幾多圍先可以包場？要分場的話，用密封間門定圍板?

酒樓包場圍數一般都較多，或者要額外補錢才可以包場。如果用圍板間場又唔到頂，隔音可能好差。酒店多數用間門，但要注意場地間細之後，燈光佈置出入口等等不足的地方。

14. 廚房位置 (太遠或另一層，食物會唔夠熱)

15. 冷氣 (太熱/太凍，較難在睇場時發現，靠用家事後分享)

價錢／訂場安排

1. 最低消費/ 最少圍數：訂場/包場/有贈送優惠的最低消費和圍數。如果無人訂另外的場，會否自動Free俾我地用埋？

2. 酒席價錢會否更改？幾時會確定價錢？

大家太早預訂酒席的關係，往往未有當日的酒席價錢菜單。要問清楚是按簽約的價錢還是調整後的價錢，預計加幅幾多，同埋價格是否按市價浮動或者幾時會有當日酒席價錢。

3. 有否加一服務費？

4. 有否強制Tips／利是？

5. 是否免茶芥？

6. 圍數／人數幾時要確定？圍數(確定後)更改安排: 不能更改? 收費？有限度更改？

7. 存菜/預備席(訂18, 但只開16, 其他預備)：有／無？幾多圍？每圍價錢一樣？唔開席的處理：不收費／補食(期限？)

8. 席數少於最終預訂數目安排：退錢？補食？限期？打包？如果少於最低消費／提供贈送最低圍數的安排？

9. 可唔可以加半圍？

10. 每席人數安排：

最多可以加幾多(13? 14?)？

收費？較貴還是按每圍人均價錢加？

以人數計的菜會否相應增加還是依舊12人份量？

如果每席人數唔平均，如11 vs 13，會唔會照計12人？要唔要事先安排？會唔會自動將兩圍菜色加減還是依然上12位的份量？

幾時要提出13位安排？

11. 場地時間：由＿＿時至＿＿時

交場時間包唔包Set場時間?

交場之後有侍應stand by?

超時收費？

可唔可以安排提早交場 (收費?)？

12. 遇上天氣影響如黑雨 / 八號風球如何處理？要唔要加錢？改期／取消有乜野要照俾錢？優惠係咪一樣？

13. 如緊急情況需改期/取消 (e.g. 紅白事)，可否安排？訂金如何處理？

14. 訂金可否轉讓？改成其他消費？

15. 如場地有問題而要取消賠償如何？轉場？退錢？

16. Pencil mark 左場地，可以hold幾耐？

17. 落訂安排：

分幾多次訂？

如果未出酒席價錢，落訂／簽約價錢寫邊個？

尾數是否要當天即場付清？

訂金和尾數接受甚麼方式付款？現金？信用卡(Visa/Master/AE/銀聯?) 支票？銀行入數？禮券？EPS？分期？接唔接混合唔同方式付款？

當天信用卡付款有否手續費／免手續費信用卡付款最大金額／可否分開多張信用卡付款？

18. 近期會否有婚展/Open day 優惠

19. 酒樓要特別注意。簽約記得列明租用場地，特別有多個廳，免得佢食兩家茶禮。特別如果係好日，要一個月前再確認。

席前小食及飲品

1. 免費贈送雜果賓治為席前飲品？時間和數量？會否Refill？可唔可upgrade（份量／內容）？價錢？

2. 席前小食  (如：席前粉麵-北菇,肉絲,干燒伊面 & 糖果, 瓜子, mini tart/ 鹹點)

免費贈送？ 提供的款式、時間及數量，其後收費？送甜點的話可否改鹹點／鹹甜各半？如果唔要贈送小食，可否回贈？

沒有贈送的話，價錢如何及會否有折扣？

3. 席前自攜西餅或小食是否需要收服務費？侍應會照serve 不須額外收費？

4. 會否事前安排席前茶點給新人充飢？

5. 幾點開始提供茶水招待?

6. 席前Order 一定要新人／指定負責人簽名作實才可落單

7. 有否送結婚蛋糕席前給賓客食用? 送幾磅? 自製還是其他餅店供應？ 自備/唔要可唔可回贈? 加錢轉款/加大?

菜單酒水

1. 酒席菜單：6菜／8菜？　有翅／無翅菜單 (代替翅的菜色為？)

2. 菜單幾時確認？

3. 菜單的餸可否更改？收費？

4. 有否提供素食菜單？收費如何（每位？／每圍？）？係咪都有咁多道菜？

酒店一般可以安排以位計的素食菜單，但會在每席12位的酒席價錢上額外收取素食賓客的菜單的費用。所以可以考慮安排這圍坐13位賓客。

5. 合時鮮果是指果盤，還是原個鮮橙或甜柑？可唔可以自攜？加錢加果盤／由原個轉果盤？代訂價錢？

6. 簽約的菜式內容記得要列明實際內容：（酒店一般無問題，酒樓要特別留意）

如清蒸紅斑, 唔好寫海上鮮(註明幾重)，魚翅必須列明雞絲生翅或鮑魚生翅(當中列明等級及份量)  ，乳豬是全隻還是部分，魚幾重，是否一條，而非分開兩條細魚等

7. 會否有免費／折扣試菜

8. 當晚剩菜的安排

9. 上菜會唔會分菜？

10. 每圍有幾多位侍應serve? 額外增加人手費用? (確保每圍1名待應生，主家席2名待應生)

11. 酒水價錢：每席已包酒水？每席另計？如果13人的酒席，酒水係咪都要計13人？加一另計還是包括在內？

12. 酒水每圍包指定數目還是任飲？幾點至幾點（最好席前已經有，唔使等開席）？Over time 收費？

13. 酒水包的飲品：汽水+啤酒有邊啲？牌子？橙汁包唔包？橙汁係鮮搾，汽水還是濃縮？

14. 非任飲的話，只限罐數定限每款每圍有指定數目？

15. 包紅白酒的數目？是否可以自由配搭？牌子？有無Sample 試？

16. 非任飲的話，剩下的飲品可否帶走？

17. 自攜酒的開瓶費？(多數free 每圍一支, 盡量爭取全免)　烈酒/ VSOP/ 紅白酒價錢是否一樣？免開瓶費限餐酒還是包括烈酒

18. 是否已備有冰塊而不需額外收費

19. 如果有送的酒和自攜酒會先Serve 自攜酒？

20. 當天記得要在婚宴開始及結束時，點算清楚自備的酒水數目，以免發生誤會

21. Crew Meal 安排：一定要食Crew meal？價錢？菜色選擇？幾時準備？幾時要確定人數？

22. 小孩幾多歲以下不計算在每圍人數內？有沒有BB櫈提供？

接待處

1. 迎賓位置? 顯唔顯眼？在場內定場外？會唔會要同其他廳的新人共用接待位置？

2. 有足夠空間：

放相簿油畫

放Candy corner

放2nd backdrop (注意燈光是否足夠)

放photobooth (注意有無電掣位，另外，安排即時印相亦即有機會需要wifi)

場外cocktail 位 (如果想賓客唔使一到場就要坐埋枱, 可以走動一下, 就要搵有cocktail 位置的場地)

3. 有無走廊/樓梯/拱門位

4. 會提供的物資：枱連枱布，油畫架(幾多個? 有無裝飾?)，裝飾枱花，擺設，candy corner 用品。有無sample? 可以選擇款式？

燈光音響

1. 光線足夠？　記得要調到最光／一般比較

2. 普通燈／LED燈／射燈／水晶燈？　燈的位置可因應餐桌移動？

3. 有沒有進場follow spotlight（追燈）？

4. 燈可否轉色？有幾多種顏色？轉色要額外收費？

5. 整體光線的顏色（避免紫／藍，橙／黃，影相較易有色差，挑戰攝影師功力）

6. 專人負責台燈音? 炒散定正職職員? 要另外收費? 自己安排朋友負責?

7. 是否有咪給司儀?無線? 幾多支?

8. 負責follow-up 當晚的rundown的職員是誰? 咩時候會同我地夾rundown?

9. 全場有幾多個電視/ projector? 在甚麼位置? 大小/比例4:3/16:9? 必須全部同步/分開播唔同內容?

10. 有無得現場直播台上情況? 收費?

11. Mon播唔播到動畫/photo slideshow/Video? 咩格式? 可唔可以電腦直插? 只可以播VCD? DVD? MP3? Avi? 16:9的片段?

12. BIGDAY前幾多日可安排試音樂同片段(及燈光，如自己控制)?

13. 可否免費提供投影機,螢幕,音響,射燈及影碟機材設備？

14. 進埸音樂有沒有提供? 有咩選擇? 

15. background音樂提供？還是要自備?咩格式?

16. 其他進場效果設備, 泡泡機?煙霧機?

17. 進場可否灑花瓣 (場地可能怕甩色唔俾用)/ 灑紙碎/ 拉紙炮? 要唔要收清潔費?

18. 如果使用LED燈, 記得提醒Big day Photog/Video, 因為可能會閃閃下

場地佈置

1. 基本場地佈置已包括的項目：台? Backdrop? 地氈? 字牌? 接待處長枱?

2. 提供的佈置是否交埸時已經準備好?

3. 提供還是外判商? 是否自己同外判商相討？自己另外安排佈置，可否回贈現金? 可回贈多少? 是否可以轉其他佈置公司？

4. 如果無送場地佈置, 要唔要搵指定佈置公司? 自己搵要唔要收附加費?

5. 場地佈置的限制? 如不能用釘書機, 貼膠紙, 不能放有火/水的擺設

6. 台/ Backdrop的顏色和款式可否選擇? 有無sample? 幾時要確定?
一般台顏色無得改,唔包加地氈

7. 台的呎吋? 高度/幾多級? Backdrop 呎吋?
如果酒樓有贈送記得睇清楚呎吋是否相符。要求事先提供呎吋資料，方便報價

8. 可否事先提供floor plan/ 台size/ backdrop 高度, 方便安排佈置

9. 如果佈置公司要停貨車會, 要唔要收泊車費? (計埋在送的泊車位內?)

10. 免費送 Backdrop中文或英文禮堂名牌(連cut 字)？款式可以自己提供還是只有指定款式?

如果LED牆 backdrop 未必有得送

11. 如果Backdrop 是LED 牆, 可唔可以安排拉紗遮住影迎賓相/合照 (否則影相會起格)? LED牆要唔要額外收費? 播放內容的限制?

12. 整體場地佈置新舊（整體裝修、地氈、餐具、桌椅、擺設）

13. 台會唔會太近賓客

太近攝影師可能較難擺位, 等影合照的時候亦會有好多人堆在台附近

14. Head table 同 guest table 的佈置（可選擇的款式）：枱布、椅套、枱花、枱號牌、菜單、餐巾

15. 以上佈置是否全場免費
部分酒樓只會包主家席, 要問清楚需唔需要加錢

16. 佈置包的花是鮮花還是絲花？

証婚+儀式

1 最早幾點可以舉行証婚?

2 有無戒指枕、羽毛筆、證書套提供？

3 証婚時賓客坐位安排，一圍圍定會排櫈望台?　排櫈大概會有幾多張？要唔要加錢？

4 証婚MARCH IN路線? 預計律師企位?

5 準備台上證婚長枱+台下排櫈需要幾耐? 還原為酒席setting 要幾耐? 

6 台上簽紙桌椅SETTING?
一直坐在枱後，枱布會遮住禮服。可以考慮企住證婚簽紙，又或者有打算教堂式證婚要注意台夠唔夠大

7 如果另外租證婚場地(e.g. 戶外場地) 會否有折扣?

8 是否提供合巹交杯用之葡萄汽酒一枝(及酒杯)？
有人試過酒樓有酒無杯, 問清楚安心D

9 如開席前，要補敬茶是否可以提供所需用品（跪墊、紅茶杯、紅茶壺、紅棗蓮子）＋有職員幫手搬櫈（如果在台上）？

10 有假蛋糕給新人做切餅儀式? 幾多層? 咩樣?

新娘房

1 新娘房會免費提供幾多間? 是固定新娘房還是多用途房留作新娘房? 位置? 大小?
多數酒樓才會固定新娘房，酒店會安排其他細的會議廳作新娘房。酒樓無包場的話要留意新娘房係咪一定會預留俾自己訂個場，有機會會俾左其他場，特別是房的位置並不在自己訂個場。無新娘房，甚至乎連專用厠所都無會好麻煩，要預左唔可以換衫轉妝。酒店多數用會議廳作新娘房，有機會可以用到超大的新娘房。或者如果唔需要麻雀房就可以改埋做新娘房。但係就要留意係咪近宴會的場地，否則著住婚紗出入好麻煩。當然亦會有極細的新娘房，新娘＋化妝師都已經好勉強，多數就會變成要在酒店送的蜜月套房換衫化妝，上上落落勁唔方便。就算無咁誇張都要預當日除左新娘＋化妝師，仲有新郎，兩家的媽媽，姊妹都要用，所以盡量唔好太細。另外新娘房亦有可能在場內，咁就會在賓客面前出出入入。換好衫，要經過曬所有人先可以去返大門準備進場。總括而言，新娘房要夠大，在場外，但近宴會廳，最好要近台添。

2 房內設備？

有否設有洗手間 (多數都無, 咁就要注意返新娘房會唔會離洗手間太遠, 雖然當晚應該都無咩機會去)

保險箱 (密碼? 鎖匙? 大小?)

全身鏡
化妝鏡

掛衫架 (留意夠唔夠實淨可以掛婚紗禮服, 同埋夠唔夠衣架)

換衫屏風
蒸氣熨斗

3 房內燈光足夠?
必需有足夠燈光給化妝師化妝，最好會特別加大光燈。同埋要留意燈光有無偏黃。

4 新娘房幾時可以用? 可唔可以事先擺放物資(早一晚? 早數小時?) 並留起鎖匙? 晚宴後可否有部分物資繼續擺放至第二日?
在場地準備好之前已經需要新娘房擺放物資和換衫，所以越早可以使用越好。

5 睇場的時候可以睇埋新娘房?
之前提過最好可以約婚宴前睇場，但係咁就有可能新娘房已經留給當天新人使用，睇唔到

6 有無專責職員會全程幫新娘?
有些場地甚至新郎都會有專責職員跟住

娛樂

1 麻雀開始至結束的時間？

2 麻雀服務是否已包括台紙, 籌碼, 台燈…?

3 能開多少台麻雀? 擺位如何? 加要唔要收錢

4 有冇免費啤牌？自攜使唔使另收費?

5 麻雀枱位置：同場還是麻雀房？麻雀房的位置？要唔要另外租房？
麻雀枱放在場內除左數目有限制，亦有可能要飛枱（即係疊起set好的枱在一邊, 開席前先搬返好)，唔美觀。如果提前證婚，要暫停有困難，會影響氣氛。分開房就難搵返賓客上台合照／準備證婚觀禮。

6 是否已包免費茶水供應? 亦會有職員在房內serve?

贈送項目

1. 襟花/花球

有無襟花送（鮮花定假花）？送幾多個？新娘新郎及親友中西式襟花是否奉送？

款式可否選擇?

如果有送，要自取定會準備好在場地取用?

2. 嘉賓提名冊
有無嘉賓提名冊送?

款色? Size？

幾時要決定?

3. 座位表
有否提供座位表?
包印刷?
幾耐之前有?

4. 請帖

有幾多張請帖送?  每席多少張? (不一定每席12張, 多數會較少)

有幾多款式可以揀? 可否加錢轉款? (留意餅卡長度要入到落信封)

包唔包印刷費? (多數唔包, 大家多數淘寶印, 再用返佢個信封)

有無送埋地圖卡/回禮利是封

會唔會有sample事先提供方便印刷報價

5. 回禮糖果/ Candy Corner
有無回禮糖果/Candy Corner 贈送? 可否加錢upgrade?

6. 回門乳豬 (多數只限酒樓)
有無回門乳豬贈送? 要唔要事先預訂? 幾時要預訂? 是否要當天拿取? 如否, 食用限期? 可否到其他門市拿取? 可否改成其他食品, 如燒味?

7. 其他婚禮相關優惠
有無其他Coupon/ 優惠: 唐餅、西餅、婚照、租衫、租褂、婚戒、攝影

蜜月客房／出門套房（一般只限酒店）

1 酒店送幾多晚? 邊種房型? 景觀? 大小?

2 額外訂房給親友，或加租一晚，或Upgrade 大房會唔會有折扣優惠?

3 可否改成出門套房? 會否事先準備紅床具，提供敬茶用品及佈置(貼囍字對聯)?

4 出門房要唔要收清潔費? 上頭可唔可以點龍鳳燭?
一般不能點蠟燭, 會觸動火警鐘, 但有些酒店可以視乎位置或暫停煙霧警報。另外，酒店可能禁止開紅遮，灑米，貼囍字，要問清楚

5 Check in/Check out 時間? 可唔可以Late check out? 如果出門+蜜月房, 要唔要轉房
當日行程緊密，未必可以配合Check in/Check out 時間，最好可以彈性安排

6 贈送早餐? 酒店餐廳還是房內?

7 會否有贈送當晚宵夜給新人? 要唔要事先安排?
有人試過無事前打落reception講, 等到半夜三更先有得食

花車服務
1. 如果送花車接送服務例如5小時，係連續計定可以分開計? 有無時間限制, 如必須中午前?

2. 自己車定外判? 要唔要自己聯絡外判商安排?

3. 出發地點有無限制? 可唔可以有中途站? 目的地有無限制?

4. OT收費? 係咪即場俾司機?

5. 花車款式/顏色有沒有選擇?

6. 裝飾包唔包? 要唔要指定package/vendor?

7. 連司機?

8. 要唔要另收泊車／隧道／油費？

9. 幾時要決定細節?

泊車服務／專車接送

1 有否免費泊車服務?

2 免費泊車有幾多部? 以每席計還是加起來的一個總數?

3 免費泊車限時?
一般會有一個車位給新人, 可以過夜

4 有否免費專車到指定地點接送賓客? 幾多架? 提供時間?

只有交通不便的場地才會提供此服務

5 停靠站的限制, 如每架車只停一個點, 還是可以有數個上落客點？指定時間內是否來回多次載客？