唔知大家有無請同事飲嘅煩惱。我公司話大唔大話細唔細，請A 又要請 B ，唔請怕話唔俾面，請又怕話亂炸人。我結果大約婚前一個月，響公司派一轉嫁女餅，officially 公布婚訊，順便對無請佢哋黎飲嘅同事聊表心意。
其實都揀咗好耐要買咩餅，想買啲又好食又靚嘅俾同事，自己諗過幾個 targets
1. 連鎖店西餅
簡單方便，即買即派就OK。但係呢啲西餅好似不受歡迎，同埋硬係好似俾人一種用積存餅卡換餅的感覺。否決咗！
簡單方便，即買即派就OK。但係呢啲西餅好似不受歡迎，同埋硬係好似俾人一種用積存餅卡換餅的感覺。否決咗！
2. 奇華迷你唐餅
人多經濟之選。人多我一定揀呢個。迷你唐餅幾蚊一個，仲可以用餅卡換，平又唔怕唔大體，始終傳統嘢嘛！鐘意的話，派夠兩個，取成雙成對之意，都唔會太肉赤。不過唐餅就大部分人都唔鐘意食，所以否決咗！
3. 韓國唧花Cupcake
唧花Cupcake 真係好靚，超級心心眼！我仲特登去上堂自己試下整(原來都好難整得靚！)，但係試食完發現butter cream 係滯到嘔，同Icy 一樣好睇唔好食，又否決咗！
跟住我就開始睇網店，揀咗呢間！真係超好食！
因為係公司派餅嘅關係，所以要有得送貨或者公司附近嘅。因為我買唔夠免費送貨到office的金額， 就選擇自取。放心！唔使去佢哋工場，地鐵站自取就得。如果都係想送到office，可以加錢送貨的。
我揀咗3款：
伯爵茶朱古力
士多啤梨Mousse
鮮雜果拿破侖
大推拿破侖餅，勁搶手！
呢啲係佢官網圖黎。因為拎到返公司急住派都唔得閒影相，得呢張影得有啲樣衰嘅實物圖。
我覺得實物係吸引過佢哋fb 嘅官方圖架！最開心係聽到同事話好食。舖頭仲自動送咗幾件蝴蝶酥試食添！皇牌產品！我都打算訂返啲蝴蝶酥黎緊過年送禮。
唯一有少少美中不足就係佢無Assorted嘅選擇，每款餅都要一打咁訂。有選擇困難的我覺得全部都好吸引，超難先揀到！
Check list 控系列
選擇困難系列
１２３文字錄
沒有留言:
張貼留言