話說我有V面同凸鎖骨扼到唔少人，但係中央肥胖下身肥腫難分。婚紗晚裝雖然可以完美遮蓋象腿豪華臀，但係肚腩始終仲係會現形。其實一早已經入手一條Triumph的收肚褲，之前影相都係著住佢。
如果要比個分數，我會比80分。因為都有效果同舒服。可惜我應該真係肥膏多到收唔曬，著完都有啲肚凸凸同埋腰位(褲頭位)會咇肉。
越接近Big day 就越覺得唔順眼，尤其是我有一件晚裝係魚尾裙。因此念念不忘要搵條好啲嘅束褲。。唯有嘗試尋找我的the one...在束褲呢件事上。
因為二次入手，所以我一定要有得試身，咁先知效果係咪好過手頭上個條。
除此之外，就係要無扣無鐵線。可能我情況嚴重，落埋扣會覺得厚咗又會見到扣／鐵線頭（如果你無呢個問題要高興下，因為你都唔係咁嚴重咋）。所以配合Gridle的選擇都唔考慮。
然後就係之前提過手頭上的束褲包得唔夠，所以要買超高腰，完全包裹腰位。事緣我一定要貼缽仔糕，所以不考慮連一件由頭包到腳的Shapewear。
以下呢堆都俾我否決咗。
可能有人會覺得我係怪獸新娘，但係既然我有條80分的，唔揀到100分我又何必買？
好！到重點，就係我在百利搵到念念不忘的束褲。(放心，實物無咁單薄同透的。不過呢幅圖可以清楚Show 到剪裁）
姐姐聽到我話要魚尾裙就介紹咗佢！係可以試身的，不過大家都知百利D舖頭咩環境，只可以拉埋塊布試，無正式的試身室。完全無鐵線無扣又夠薄，但係都夠力收埋肚腩，好舒服添！著住佢一整日都無問題！最估唔到係輕易就著到XL碼，姐姐就建議我買L碼。發誓姐姐完全無Sell過我，我話要再考慮下先都無黑我面。講到咁啱心水，點解無即時入手？貴囉！雖然貴唔過另一間Wow出名Work的內衣店，但係都係out budget。死心不息咁左試右試一輪之後，都係覺得佢效果最好，唯有乖乖返去俾錢。其時已經係婚前一個月勒，自知唔會靠運動減到肚腩。買完之後超安心！
如果你問我花咁多錢買多一條著一次的束褲會唔會太貴，老實講貴！如果你問我揀多次仲會唔會買，會，因為真係Work，同埋入手咗the one自我感覺真係良好到不行！在租衫的項目上慳咗錢，咪等自己少少地奢侈一下。
沒有留言:
張貼留言