又返來Checklist 控系列，今次打尖，講下婚後有咩items需要繼續跟進。說好的Big day checklist 要在農曆新年再努力一下。
1. 落妝休息食宵夜
第一件事當然係休息下。新婚當晚過夜的新人記得準備卸妝用品(記得準備埋俾另一半)。
2. 歸還各樣物資，衫鞋首飾物品
事先準備多幾封利是，有部分衫舖會提出需要連利是還衫，亦有不少新人會俾利是衫舖職員。或者會寫 Thank you card 都要事先準備好。
再三Check 清楚有無私人物品留在衣服口袋或者將自己的衫配飾pack 埋一齊。
留意有無時間Deadline。如果多嘢還又唔近，記得搵定人幫手分頭行事/Plan 定路線Call 車。記得拎返齊按金支票。
仲有向其他親戚朋友借用的物資，雖然未必要即時歸還但是唔好拖下拖下無咗回事。
3. 找數
多數婚前/Big day已經找曬(唔知係咪我搵的Vendors都好小心，幾乎全部都big day前已經俾曬全數) 留意係咪安排好交還信用卡數，因為呢幾個月嘅卡銀碼應該會暴增。留意相關消費可能收到coupon, 積分等等的使用期限。
4. 點算人情，並存入銀行/交給父母
事前應該商議好如何處理。留意要唔要把人情禮物清單給父母存檔參考。
留意各銀行每日戶口存款上限。現金建議用存款機，但禮券可留至較空閒才到櫃枱處理。收到購物現金券亦注意有效日期(我有收到一疊超市／百貨公司coupon，一次過唔會用得曬)。
利是封/禮封不需要急著丟棄，以免有錢遺留在內。
5. 處理金器
貴重物品當然要放好。酒店房的保險箱未必放得曬全部金器首飾，同埋職員其實都會有房卡，最好都係先安頓好人情金器或者將佢哋先交俾家人保管先再去還衫。
保險箱一箱難求，如果打算婚後放保險箱記得早啲申請。
6. Send thank you card
好大可能都係Ecard, 或者在社交平台出thank you post。除了多謝一眾賓客，vendors，兄弟姊妹同 helpers，記得特別要個別多謝一啲交低人情/禮物嘅親戚朋友。雖然當事人唔會追問轉交人情／禮物的下落，但是中間人食咗封禮的故事原來都發生唔少，出於禮貌同有交帶都應該多謝一聲。
未必位位新人有after party，可以再叫兄弟姊妹出黎食餐飯慶功，或者到你哋新居housewarming，多謝佢哋。
7. 回門
三朝回門，不需多講吧？詳情請自行向家長查詢。現今簡單版都係帶燒豬+生果回女家，同食餐飯咁。
8. 處理物資
送賣棄留，各自分類處理。特別要留意有無例如食物類需要盡快處理。如果會在酒店過夜的話，可以全部物資叫bellboy 運曬上房再慢慢執。
9. 收集當天花絮及派相
長輩一般好快就問有相睇未，但係big day相其實無三兩個月都唔到手。打鐵趁熱，可以先收集大家手機的照片開心Share住先。
記得到時到候問下Photog big day相/片搞成點，係咪如期拎到。拎到大會相片就盡快曬相派相，或者Send 返俾大家。唔係越拖越無咗件事。
10. 更新婚姻狀況及影印結婚證書
B2b 們，婚禮後習慣下x太的稱呼啦(我依然超唔慣自稱湯太)！除了update你們的Facebook status 放閃，要睇睇有邊啲婚姻狀態需要更新。一般都係自願性，不過要享受配偶福利當然要申報返，例如公司保險，報稅等等。
重要文件最好影印一份收好。
最後，多謝Wow揀選咗我做1月人氣Blogger，更要多謝大家支持。
－－－－－－－－－－－－－－－－－－－－－－－－－－－－－－－－－－－－－－－－－－－－－
Check list 控系列
選擇困難系列
１２３文字錄
沒有留言:
張貼留言