水水聯婚 --- 123文字錄：DIY紙刻實驗習作

婚禮有不少可以DIY的項目，自知一點兒也不重要，甚至沒有人留意到，但是總希望DIY讓千篇一律的婚禮加添一點獨一無二，更重要是令整嘅人(即是我呢個手殘女)自我感覺良好！

DIY 完BB 班囍字Welcome board (會努力補返分享)，念念不忘我最鐘意搞嘅紙刻。講起紙刻大家可能諗起中式剪紙囍字之類，好似呢啲



其實西方都有紙刻，仲好靚添，好似呢啲



咁我又嘗試自己整一個。在網上找了一些free template frame，然後再自己畫好 Save the date，可以開工了！


睇落好簡單，整起上黎一啲都唔容易，同埋都真係有啲技巧，唔怪得有本專門練習紙刻嘅worksheet/書。內容係俾大家cut下唔同嘅線同形狀咁。

搞咗兩晚終於有啲嘢睇下，有無數咁多條線斷咗！要再重新整過…如果用die cut printer成件事會簡單好多！再簡單啲，淘寶或者etsy都有好多可以買。無辦法，DIY 都係追求自己出手搞。出template 嘅網主真係好犀利！



試整完一次都有少少心得。

1. Cutter 好重要。雖然普通cutter都可以用，但係至少要保證個lock 係lock 得實。平時用嘅cutter多數上咗鎖塊刀片都會郁黎郁去，做紙刻咁細微，要確保你控制到落刀嘅位置。

2. 過紙嘅步驟好重要，好似我咁直接印出黎就cut 好難避免仲會見到啲線，而且圖樣嘅線太幼都唔可以改粗啲。

3. 千萬要忍手唔好拉斷唔要嘅部分。無論幾唔耐煩都一定要不斷cut 到可以隨手拿走，一拉就好易斷/撕爛

4. 落刀要夠力。因為今次用了打印紙，較厚而不容易界開。一開初怕落而太輕手，往往界唔開，繼而要重覆落刀，引致紙張披口。切口唔靚之餘，披口嘅紙會更難界開，反覆落刀亦容易出錯。

希望下次可以成功！

今次係第一次用app寫blog！