大家的 Timeline 應該有開兄弟姊妹會的項目，但是就未必有開家長會。Big day 前其實都要幫自己父母做準備，不需要開會咁大陣象的，不過就要提醒一下他們。
- 整天流程：他們當然要知道咩時間要做咩
- 習俗相關的事和他們有沒有甚麼禁忌要求：例如入門時老爺奶奶要先在房內等候，不能開門迎接；例如宗教信仰唔跪；例如入門第一餐飯一定要在家中食
- 敬茶安排：問下親戚幾時會黎飲茶，同埋大約幾多人
- 預備簡短說話新人敬茶時同新人講 (特別係男士們多數少啲嘢講)
- 外父預備一兩說話交新娘俾新郎時講
- 要唔要派利是：Big day 四大長老都要派利是，可以幫佢哋準備埋，不過比新人更開心的長老們多數一早自備咗。可以同佢哋夾定派俾攝影師，化妝師，樓面嗰啲係咪新人自己派返。我仲記得媽媽同奶奶好緊張咁走入新娘房問派咗利是未的場面。我覺得邊個派都無所謂，父母鐘意派利是可以交俾佢哋。不過，就算有得派利是係福份，但係全部工作人員派double 我都會肉赤！
- 父母介意親密影相要事先同攝影師講
- 介紹下兄弟姊妹：呢樣可能難啲，可以同佢哋講下邊個係伴郎伴娘或者當日會mark 實父母的兄弟姊妹
- 戴襟花：提一提父母要check 下有無襟花，無就自己問兄弟姊妹。不過靠兄弟姊妹提返父母會有效啲。
- Meet up 時間：當日父母都唔會全程同新人一齊。除了朝早幾點要ready，同佢哋講返佢哋要幾時出現返
- 交通：如果安排咗接送就同佢哋講返
- 外父會唔會帶新娘March in? First dance? 有無留時間綵排？
- Reception 同人情金器安排：有時父母想安排親戚在Reception 或者保管返金器，記得夾返，免得當日混亂。仲有就係要唔要俾親戚人情盤數佢哋睇。就算父母叫新人自己袋曬人情，父母都想知道返親戚做幾多禮，方便佢哋搵機會還禮。如果拆曬人情先知要睇返，真係唔知邊度搵俾佢哋勒
- 落妝洗頭教學：因為我媽媽同奶奶都無化妝習慣，所以事先準備好卸妝用品和簡單講解咗點用。當然我都有提佢哋要早一晚洗頭，同埋唔好落護髮素
另外，就係提下兄弟姊妹當日多啲讚下四大長老！
－－－－－－－－－－－－－－－－－－－－－－－－－－－－－－－－－－－－－－－－－－
Check list 控系列
選擇困難系列
１２３文字錄
沒有留言:
張貼留言