這篇文寫得有點遲，實情是當時時間緊迫，只是跟隨朋友揀選同一家姊妹裙店。有時間的b2b可以做多D資料搜集。
首先的首先，要決定度身訂造，淘寶／網購，購買現貨，還是租裙。懶新娘如我，決定在香港度身訂造。
(圖片取自 M2 Wedding)
1. 營業時間，地點同埋每次到店是否都必須預約
姊妹們最少要到店兩次:度身和試裙，地點方便當然最好，但其實營業時間更重要。我的姊妹裙店星期天是會休息的，只有星期六比較難夾時間，平日大家多數都不能趕在關門前去到，同埋旺場的時間可能好多人在舖頭。
2. 收費: 長裙vs短裙
選長裙還是短裙真係各有支持者。如果重新安排一次，我會支持長裙。12月big day的我，天氣有D難預測，隨時氣溫下降，之前超驚會凍親D姊妹。第二就係大家可以著拖鞋／波鞋。仲有就係唔怕會走光。
不過咁喎，短裙又唔係無可取之處，我做過兩次姊妹，呢兩次的經驗又真係短裙好D，第一次係熱到顛左，著露背短裙都濕曬，長裙真頂唔順。第二次就係著咗勁踩裙的長裙，就咁行都踩到裙邊爛曬，上落樓梯更加係災難，真係好論盡。
3. 收費: 不同布料
4. 收費: 最少要造幾多條？或者幾多條以上有優惠？
5. 收費: 不同色/不同款有沒有額外收費？
近年好多新娘都會選擇俾姊妹選同色不同款的裙，我都好buy呢個做法，一來有D變化，二來每人適合的裙款也不一樣。不過不是每家店都可以自由配搭，有些不同款要加錢，有些不同色要加錢，真係要問過先知。但係我估唔到最後姊妹們免麻煩大家揀埋同一款。
另外，個人覺得有D搞笑地一般姊妹裙呎碼加唔加錢係取決於胸圍係咪過大
6. 挑選款色、度身和落訂的安排？（例如可以度好身再補交訂金）
7. 訂金收幾多？付款方法？
8. 甚麼時候需要交尾數？付款方法？
9. 大約多久可以起貨？
10. 改裙會即時改，還是要再等？
11. 有沒有優惠價加姊妹化妝？
12. 會唔會送披肩？如果加購收費？
同場加映... 注意事項
1. 必要時做一個專制的新娘
有時事情好有趣，你決定好所有野，大家反而無意見，但係你問得佢哋有咩要求就出事喇，可能好多要求可能要改黎改去，然後到頭來都未必可以滿足到佢哋要求，大家唔開心。起初諗住大家自己揀開心D，點知揀咗勁耐都揀唔到，所以最好都係定埋顏色先再俾佢哋揀。
2. 姊妹裙口碑最重要
以上的Q&A 都係參考，裙款大部分都大同小異。最好都係搵有人介紹，避開3大出事位:遲起貨，貨不對辦，手工差。
裙款上都有一些較安全的選擇：
例如避免吊帶會超顯肥；
例如雖然low cut靚但係成品太鬆的話會勁甩裙，最好加返帶；
例如姊妹們身材普通就選心形胸會比較好看；
例如腰間有褶位，可以臨時收起過長的裙擺
3. 強烈建議姊妹要自己去試身
就算同一批裙，同一個職員度身都會可能有幾條勁Fit，有幾條錯到要改完又改。若然到前一日／當日先發現著唔落，神仙難救。
4. 試裙須知
除了裙太長，太鬆，太窄，仲有幾點唔好睇漏：
企坐彎踎都要試，確保不會容易走光，爆線
拉鍊順暢同埋有拉鍊頂扣
底裙要完全遮光。若然是長裙，底裙要短幾吋
5. 遇上內地長假，記得預留充足時間
姊妹裙實質多數都經內地廠房造，所以遇上國慶，農曆新年一類長假會延誤交貨，記得要提早造裙！
6. 叫姊妹們事先熨裙
多數拎到手的姊妹裙都皺到梅菜一樣，最好可以處理一下。屋企多數不會有Steamer，可以事洗濕條裙再掛起在浴室，沖涼時的蒸氣加上裙的重量就可以令佢無咁皺。當然亦都可以隔住毛巾熨或者去新娘的出門酒店用Steamer熨。
發現上一篇文多咗個Logo：
係貼咗堂呀！多謝大家！
Check list 控系列
選擇困難系列
１２３文字錄
沒有留言:
張貼留言