恭喜發財！成為人妻後的第一個新年大部分時間都在老公屋企過，唔係好習慣呢～之前提過big day checklist 控仲有兩篇，今次分享衣物飾品。雖然超旺嘅雙春兼潤月好年已經過去，不過相信總有b2b 需要佢。
1. 紅睡衣甩色：
放第一個Item 因為真係好易出事。解決辦法主要3個：
a. 買唔甩色嘅Leona，不過無碼分；
b. 入面著短袖tee，不過夏天超熱；
c. 事先用醋用鹽洗多幾次套紅睡衣+換衫時用濕紙巾徹底清潔腋下
c 係大路做法，始終都有甩色風險。我揀咗打底。
2. 除了紅睡衣，小心鮮花瓣會甩色或者平價絲花甩色
3. 褂鞋夾容易甩同勾到裙腳排珠，要小心慢慢行或者影完相除咗佢。褂鞋夾真係好靚，我都有用。
4. 落雨要小心出門紅米甩色，可以揀用紅糙米代替。
5. 灑XX的環節記得提醒大家盡量唔好灑向頭頂。XX可以是紅米、花瓣、紙碎等等。灑在新人前/後面即可（灑米灑在紅遮頂和車頂），呢D野卡在頭髮好難清理。
6. 如果鮮花球打算用一日，記得唔用就插返花樽養水。盡量放冷氣陰涼地方，同盡量直放唔好壓扁。用啲擺得嘅花，所以我忍痛放棄咗繡球花。
可以訂多一個晚宴用，鮮花/絲花都無所謂
7. 新郎襟花如果得一個用全日會殘，可以的話準備多一個後備晚宴用。如果入門後換衫除西裝，記得Keep返好襟花，用濕毛巾/濕紙巾包住保濕同埋記得帶去晚宴會場(尤其是早上穿馬褂無戴襟花唔好唔記得拎走)。
8. 新郎大汗準備多件恤衫同埋怕接新娘整烏糟。記得準備埋打底背心。
9. 入門後如果會除褂，記得拎返放褂嘅盒，用雪梨紙包返好，唔好刮花金線
10. 入門後換婚紗，記得帶淺色內衣換走紅內衣
11. 準備開胸便服：入門後除褂之後可以著，同埋新娘房如果無厠所都要換便服裙去厠所
我有準備便服但係唔係扣鈕，好彩領口夠大否則就要拆曬個頭。夜晚就真係唔記得，諗住換好裙去新娘房無嘢拎，差啲要上返房去厠所。
會外影的b2b，可以考慮用Bridal Buddy，可以參考呢篇文 （文中新娘都仲有建議其他方法）：
https://kknews.cc/fashion/vpvvrq.html
咁邊度有得賣？搵埋俾你哋： Groupbuyer 淘淘
12. 鮮花比較難用全日都唔殘，襟花手花可以用返絲花。
13. 鮮花Set 頭真心靚，不過鮮花貴。如果會用鮮花整花環，要留多啲時間俾mua。用頭飾比較慳時間。
14. 姊妹手花影相時經常要左右換，用橡筋珠鍊比較好，方便除戴。
15. 伴娘要幫手拎裙尾，記得唔好拎咁高，遮返住對腳
16. 新郎同兄弟嘅西褲唔好太緊(尤其是依家好興韓國款)，否則接新娘玩遊戲爆衫唔知點算
18. 除戴金器大約4個姊妹幫忙。點解，除盒入盒x1, 戴上身 x2 , 舖裙摺裙換鞋x1 mua set 頭轉妝。(如果姊妹整咗水晶甲就可能好難解扣，唔好安排佢哋幫手戴金器)
19. 頭紗用輕、薄、透同簡單的款。釘珠頭紗太墜壓扁髮型會無咁好睇。透薄頭紗就算放落黎都可以見到新娘個樣會靚啲。
20. 揭頭紗都要有技巧，高危事項係會勾實眼睫毛。同埋再三提醒新郎揭完頭紗幫你整理一下。
我睇返當日相片，見到有條腸粉在我頭上面...
21. 拋花球用絲花球。鮮花太重拋唔起，同埋好大機會會散開。仲有記得內定人接，唔好由得花球跌響地下。
22. 長輩的襟花不一定要早上戴，不過最好證婚前就戴好。
23. 晚宴最好可以安排補妝給姊妹和媽媽們，特別是有外影的新人。出出入入到夜晚個妝都溶曬。
24. 拎衫要Check 配件齊唔齊，size 正確，無爛無污蹟。衣架衫袋記得唔好撈亂，可以拎到先影低相。最好唔使約定時間還衫同埋同區/同舖租衫，否則去咁多地方拎衫還衫真係好攰同好花時間。
25. 新娘都係貪心嘅，想換最多的造型，靚盡全場。依家好興嘅一衫多著都幫到唔少手。
依家大家都傾向換少啲裙，送客裙真係可以 Skip ，尤其是圍數多要爭取時間合照，到最後可能租咗都無時間換。Buffet dinner 亦都係，通常大家好快就食完，如果新娘去咗換衫唔見人，賓客可能等等下走曬。最後真係換唔切都唔好咁介意，其實賓客真係唔會在意。
依家大家都傾向換少啲裙，送客裙真係可以 Skip ，尤其是圍數多要爭取時間合照，到最後可能租咗都無時間換。Buffet dinner 亦都係，通常大家好快就食完，如果新娘去咗換衫唔見人，賓客可能等等下走曬。最後真係換唔切都唔好咁介意，其實賓客真係唔會在意。
26. 粉色系的裙款多數會安排迎賓時段著，不過淺色裙影相會無咁上鏡。婚紗白色，米白色，或者其他顏色都有。注意長輩會唔會介意著白色裙敬茶。
敬酒通常戴金器的關係，其實紅色真係最佳拍檔。如果長輩無要求，可以揀深色裙，通常襯金器都搶眼，或者參考印度裙的配色。
敬酒通常戴金器的關係，其實紅色真係最佳拍檔。如果長輩無要求，可以揀深色裙，通常襯金器都搶眼，或者參考印度裙的配色。
27. 迎賓時段企定定影相，裙款最自由，蛋糕裙裙擺大、超窄魚尾裙亦無問題。但係跪低敬茶比較唔方便。裙擺大的裙小心影相會比人踩爛裙腳。
迎賓/影大合照嘅裙對比大啲好啲，閃紗/同色lace 在相片入面唔太見到，似條好plain淨色裙
外影裙小心整烏糟，有啲舖頭會講明部分裙只可室內穿。
敬酒避免拖尾裙，以免踩裙。Off shoulder 遞唔起手。我失策地咁加埋個off shoulder 肩帶敬酒，睇返當晚啲相我長期衣衫不整。
迎賓/影大合照嘅裙對比大啲好啲，閃紗/同色lace 在相片入面唔太見到，似條好plain淨色裙
外影裙小心整烏糟，有啲舖頭會講明部分裙只可室內穿。
敬酒避免拖尾裙，以免踩裙。Off shoulder 遞唔起手。我失策地咁加埋個off shoulder 肩帶敬酒，睇返當晚啲相我長期衣衫不整。
露背低胸小心走光/見到nu bra/束褲，魚尾裙亦留意著束褲會唔會變車軚人。
28. 想March in 睇到條裙的拖尾，場地要光猛少少，證婚行禮嗰陣著會好啲。開席前March in 好多時打follow spot light，唔多睇到，影相更加影唔到。
29. 大陸訂造裙記得稍為清潔／打底。話說兩位媽媽的裙都在深圳訂造，她們分別有向我反映試裙後有皮膚痕癢。好彩啲裙Steam過之後就無呢個問題，否則都係叫媽媽打底安心啲。
30. 拉鍊款嘅裙換衫慳好多時間，同埋個人覺得著得瘦啲添。但是近big day未必可以keep到體重身形，綁繩款會穩陣啲。無論邊款，最重要都係Mua肯幫手著衫。因為姊妹睇過一兩次唔熟手，兵荒馬亂都係太慢同埋都真係需要技巧。
31. 新郎多數唔會換咁多套衫，可以準備多啲唔同的accessories配襯，甚至可以夾返新娘嘅婚紗/晚裝。
32. 留意皮膚會唔會超易起紅印，我就會。著完背心裙或者有釘珠金銀線或者旗袍企領好易會有紅印，一定散唔切，咁就記得叫mua 遮返。
33. 通常租裙送頸鍊耳環配襯，髮飾就mua借出。記得問下送客套髮飾幾時還，因為mua 多數化完會早啲走(我送客妝無頭飾，唔使煩)
34. 扣針一定要準備。大中細都要，好多時都用得上，例如拉鍊爛咗，裙太長，襟花唔穩等等。
35. 差點遺忘超重要的一點，每次每人換完衫都記得要合照，每個combination 都要。即係你自己換完裙，兩夫妻要合照，但係都要記得同老爺奶奶爸爸媽媽合照。然後媽媽們換咗裙要記得叫攝影師幫佢哋夫妻合照，再同你哋合照。
Checklist控系列仲有其他長文，有興趣嘅話支持下。仲未等到big day 回相寫唔到Review 呀！
———————————————————
沒有留言:
張貼留言